-సమిష్టి కృషితోనే పార్టీ బలోపేతం చేద్దామన్న నూతన డీసీసీ అధ్యక్షుడు నరేష్ జాదవ్

-ఎన్నికల నేపథ్యంలో కాంగ్రెస్ సమీక్షా సమావేశం

ఆదిలాబాద్, నవంబర్ 30 (విజయక్రాం తి):  గ్రామ పంచాయతీ ఎన్నికల నేపథ్యంలో ఆదిలాబాద్ జిల్లా కాంగ్రెస్ పార్టీ శ్రేణుల సమీ క్ష సమావేశాన్ని నిర్వహించారు. డీసీసీ నూతన అధ్యక్షులు నరేష్ జాదవ్ నేతృత్వంలో తొలి సమావేశాన్ని ఆదిలాబాద్ లో ఆదివారం జరిగింది. ఇప్పటివరకు జిల్లా పార్టీలో కొనసాగు తున్న పలువురు నేతల వర్గాల నేపథ్యంలో ఇప్పుడైనా పార్టీ నేతలు అందరూ ఒక్కటై స్థాని క సంస్థల ఎన్నికల్లో పార్టీ గెలుపు కోసం కృషి చేస్తారనే ప్రశ్న ఉత్పన్నమవుతోంది.

ఈ సమావేశంలో మాజీ మంత్రి, స్వర్గీయ రామచంద్రా రెడ్డి వర్గీయులు, నియోజకవర్గ ఇన్చార్జ్ కంది శ్రీనివాస్ రెడ్డి వర్గీయులు, కిసాన్ సెల్ రాష్ట్ర ప్రధాన కార్యదర్శి బోరంచు శ్రీకాంత్ రెడ్డి వర్గీయులు హాజరు అయినప్పటికీ రానున్న రోజు ల్లో అందరూ కలిసికట్టుగా పనిచేస్తారా లేదా అనే అనుమానం పార్టీ కార్యకర్తల్లో సంశయం నెలకొంది.  గ్రామ పంచాయతీ ఎన్నికలతో పాటు అంతకంటే ముందు ఈనెల 4వ తేదీన సీఎం రేవంత్ రెడ్డి జిల్లా  పర్యటన సందర్భం గా పార్టీలోని వర్గ విభేదాలు సమిసిపోతాయా లేదా అనేది తెలియాలంటే మరికొన్ని రోజులు వేచి చూడాల్సిందే. 

అందరూ కలిసికట్టుగా శ్రమించాలి..

అందరు కలిసికట్టుగా శ్రమించి జిల్లాలో పార్టీని మరింత బలోపేతం చేయాలని ఆదిలాబాద్ జిల్లా కాంగ్రెస్ పార్టీ అధ్యక్షుడు నరేష్ జాదవ్ పిలుపునిచ్చారు. ఆదివారం పట్టణం లో జరిగిన జిల్లా కాంగ్రెస్ పార్టీ సమీక్షా సమావేశానికి ఆయన హాజరయ్యారు. పార్టీ కోసం కష్ట పడి పని చేసిన వారికి సముచిత స్థానం దక్కుతుందని అన్నారు. పంచాయతీ ఎన్నికలను బేస్‌గా చేసుకుని గ్రామస్థాయి నుండి పార్టీని బలోపేతం చేద్దామన్నారు.

ఎలాంటి విభేదాలున్న పక్కనపెట్టి పార్టీ కోసం అందరిని కలుపుకు పోతానని స్పష్టం చేశారు.  ఈ కార్యక్రమంలో డిసిసిబీ చైర్మన్ అడ్డి భోజారెడ్డి, జిల్లా గ్రంథాలయ చైర్మన్ మల్లెపూల నర్సయ్య, మాజీ ఎంపీ సోయం బాపూరావు, మాజీ ఎమ్మెల్యే రాథోడ్ బాపూరావు, బోథ్ అసెంబ్లీ ఇంచార్జ్ ఆడే గజేందర్, ఆసిఫాబాద్ జిల్లా కాంగ్రెస్ అధ్యక్షురాలు ఆత్రం సుగుణ, నాయకులు గండ్రత్ సుజాత, మంచికట్ల అశమ్మ, సంజీవ్ రెడ్డి, బోరంచు శ్రీకాంత్ రెడ్డి, గణేష్ రెడ్డి, సంతోష్ రావు తో పాటు పలువురు నాయకులు, కార్యకర్తలు పాల్గొన్నారు.