కిరీటిరెడ్డి హీరోగా అరంగేట్రం చేస్తున్న యూత్‌ఫుల్ ఎంటర్ టైనర్ ‘జూనియర్’. రాధాకృష్ణ దర్శకత్వం వహిస్తున్న ఈ చిత్రంలో శ్రీలీల హీరోయిన్. వారాహి చలనచిత్రం బ్యానర్‌పై రజని కొర్రపాటి నిర్మిస్తున్నారు. ఈ చిత్రానికి స్టార్ సినిమాటోగ్రాఫర్ కేకే సెంథిల్‌కుమార్ డివోపీగా పనిచేస్తున్నారు. సినిమా జూలై 18న రిలీజ్ కానుంది. ఈ సందర్భంగా సినిమాటోగ్రాఫర్ సెంథిల్‌కుమార్ విలేకరుల సమావేశంలో చిత్ర విశేషాలను పంచుకున్నారు. “-నిర్మాత సాయితో ‘ఈగ’ సినిమా చేశాను.

‘ఆర్‌ఆర్‌ఆర్’ తర్వాత ఈ సినిమా గురించి చెప్పారు. డైరెక్టర్ రాధాకృష్ణ చెప్పిన కథ నాకు చాలా నచ్చింది. అలా ఈ ప్రాజెక్ట్‌లోకి వచ్చాను. కొత్తవారిని పరిచయం చేసినప్పుడు ఫ్యామిలీ డ్రామా జానర్‌కి వెళ్లరు. డాన్సులు, ఫైట్లు ఉంటే చాలనుకుంటారు. కానీ ఈ సినిమాలో స్ట్రాంగ్ ఎమోషన్ ఉంది. అది నాకు చాలా ఇంప్రెస్ చేసింది. కొత్త హీరో ఇలాంటి ఛాలెంజ్ తీసుకొని చేయడం చాలా నచ్చింది. హీరో -కిరీటి చాలా హార్డ్ వర్కర్. అద్భుతమైన డాన్సర్. యాక్షన్ చాలా బాగా చేస్తాడు. తను బ్యాలెన్స్ యాక్టర్. వన్ ఆఫ్ ది బెస్ట్ న్యూ కమ్మర్. ప్రతి సినిమా దేనికదే ప్రత్యేకం. ఒక హెవీ గ్రాఫిక్స్ సిజీ వర్క్ ఉన్న సినిమా తర్వాత ఇలాంటి సినిమా చేయడం నాకూ రిఫ్రెష్‌గా అనిపించి చేశాను.

ఇందులో ఉన్న కోర్ ఎమోషన్ నాకు చాలా నచ్చింది. ఫ్యామిలీ ఎమోషనల్ డ్రామాస్ రావడం తగ్గిపోయింది. ఇలాంటి సమయంలో ఈ సినిమా చేసే అవకాశం రావడం ఆనందంగా ఉంది. నేను సినిమాలు ఎంచుకునే ముందు స్టోరీ ఎమోషనల్‌గా మూవ్ అవుతుందో లేదో చూస్తాను. అది చాలా ఇంపార్టెంట్. ఎమోషన్ మనల్ని కదిలించకపోతే మిగతా ఎలాంటి ఎలిమెంట్స్ ఉన్నా కూడా వర్కౌట్ అవ్వదు. -డైరెక్టర్ రాధాకృష్ణ చాలా క్లియర్ విజన్ ఉన్న డైరెక్టర్. డైరెక్టర్‌కు క్లారిటీ చాలా ఇంపార్టెంట్.

ఆ క్లారిటీ ఆయనలో ఉంది.  నాకు దర్శకత్వం చేసే ఆలోచనైతే ఉంది. అయితే అదిప్పుడే కాదు. దానికి ఇంకా చాలా సమయం ఉంది. కొన్ని కథల మీద వర్క్ చేస్తున్నా. -ఇండస్ట్రీ లోకి వచ్చి 25 ఏళ్ల అవుతుంది. చక్కగా పనిచేస్తున్నామనే పేరు తెచ్చుకోవడం చాలా ఆనందంగా ఉంది. బాహుబలి, ఆర్‌ఆఆర్ లాంటి సినిమాలు చేసే అవకాశం రావడం నా అదృష్టంగా భావిస్తున్నా. ఇంకా నేను చేస్తున్న వాటిలో ‘స్వయంభు’ బహుబలి లాంటి జోనరు. రాజులనాటి కథ. అలాగే ‘ఇండియన్ హౌస్’ సినిమా కూడా చేస్తున్నా” అని తెలిపారు.