వాంకిడి,(విజయక్రాంతి): గ్రామీణ ప్రాంతాల్లోని యువకులు అంబేద్కర్ ఏర్పాటు చేసిన సమతా సైనిక్ దళ్ క్యాడర్‌లో చేరి సమాజ సేవలో భాగస్వాములు కావాలని సమతా సైనిక్ దళ్ జిల్లా అధ్యక్షుడు మార్షల్ దుర్గం సందీప్ పిలుపునిచ్చారు. ఆదివారం వాంకిడి మండల కేంద్రంలోని లక్ష్మీ నగర్, అంబేద్కర్ నగర్‌లో నిర్వహించిన సమతా సైనిక్ దళ్ ప్రచార కార్యక్రమంలో పాల్గొని ఆయన మాట్లాడారు.

వాంకిడి మండలంలోని ప్రతి గ్రామంలో సమతా సైనిక్ దళ్ గ్రామ శాఖలను ఏర్పాటు చేసి విద్యా భివృద్ధి, శారీరిక వ్యాయామం, సామాజిక కార్యక్రమాలు చేయడానికి యువకులు ముందుకు రావాలని ఆయన కోరారు. ఈ కార్యక్రమంలో అంబేద్కర్ యువజన సంఘం ప్రధాన కార్యదర్శి ఉప్రే విజయ్, అంబేద్కర్ యువజన సంఘం కమిటీ మెంబర్ డోంగ్రే రమేష్, శ్యామ్ రావు ఉప్రే, ఉపాసకులు కోబ్రగడే కుమార్, సమతా సైనిక్ దళ్ మండల్ క్యాడర్ సభ్యులు పాల్గొన్నారు.