విక్రమాదిత్య సింగ్‌పై కంగనా రనౌత్ ఘన విజయం

మండి: లోక్‌సభ ఎన్నికల్లో రాజకీయ అరంగేట్రం చేసిన బాలీవుడ్ నటి కంగనా రనౌత్ మండిలో జయకేతనం ఎగురవేశారు. హిమాచల్  ప్రదేశ్ లోని మండి స్థానంలో బీజేపీ తరుపున బరిలో దిగిన కంగన, తన సమీప కాంగ్రెస్ ప్రత్యర్థి విక్రమాదిత్య సింగ్ పై 71 వేల ఓట్ల మెజార్టీతో గెలుపొందారు. రాంపూర్ రాజకుటుంబ వారసుడు, హిమాచల్ ప్రదేశ్‌కి ఆరుసార్లు ముఖ్యమంత్రిగా పనిచేసిన దివంగత వీరభద్ర సింగ్ కుమారుడు కాంగ్రెస్‌కు చెందిన విక్రమాదిత్య సింగ్‌పై బిజెపి అభ్యర్థి కంగనా రనౌత్ హాట్ సీటు కోసం పోటీ చేశారు. గతంలో కాంగ్రెస్ కంచుకోటగా ఉన్న మండి లోక్ సభ స్థానం గత రెండు ఎన్నికల్లో బీజేపీ వైపు మళ్లింది. 2014 లోక్‌సభ ఎన్నికలలో, బిజెపికి చెందిన రామ్ స్వరూప్ శర్మ 39,000 ఓట్ల తేడాతో కాంగ్రెస్‌కు చెందిన ప్రతిభా సింగ్‌పై రెండుసార్లు ఎంపీగా గెలిచారు. 2019 ఎన్నికలలో, రామ్ స్వరూప్ శర్మ 647,189 ఓట్లను పొంది గణనీయమైన తేడాతో సీటును నిలుపుకున్నారు.