లష్కర్ ఉగ్ర ముఠా ఆటకట్టు

తమిళనాడులో ఆరుగురు, పశ్చిమ బెంగాల్ ఇద్దరు అరెస్ట్

హ్యాండ్లర్ షబ్బీర్ ఆదేశాలతో నిందితులు ఢిల్లీలో పేలుళ్లకు ప్లాన్

ఫోన్లలో పలు నగరాల రెక్కీ వీడియోలు

8 మొబైల్ ఫోన్లు, 16 సిమ్ కార్డుల స్వాధీనం

న్యూఢిల్లీ, ఫిబ్రవరి 22: ఢిల్లీ పోలీసులు భారీ ఉగ్రవాద ముఠాను పట్టుకున్నారు. పాకిస్థాన్ కేంద్రంగా పనిచేసే లష్కరే తోయి బా (ఎల్‌ఈటీ), ఐఎస్‌ఐ (ఐఎస్‌ఐ) సంస్థలతో ఈ ముఠాకు సంబంధాలు ఉన్నాయి. తమిళనాడు, పశ్చిమ బెంగాల్ రాష్ట్రాల్లో నిర్వహించిన ఆపరేషన్‌లో ఎనిమిది మంది నిందితులను అదుపులోకి తీసుకున్నారు.

వీరంతా విదేశీ హ్యాండ్లర్ల ఆదేశాల మేరకు భారత్‌లో భారీ దాడులకు కుట్ర పన్నారు. తమిళనాడులోని తిరుప్పూర్ జిల్లాలో ఆరుగురు నిందితులను పట్టుకున్నారు. వీరు వస్త్ర తయారీ విభాగాల్లో పనిచేస్తూ నకిలీ ఆధార్ కార్డులను కలిగివున్నారు. పశ్చిమ బెంగాల్‌లో మరో ఇద్దరిని పోలీసులు అరెస్ట్ చేశారు. పట్టుబడిన వారిలో కొందరు బంగ్లాదేశీయులు ఉన్నట్లు పోలీసులు గుర్తించారు.

నిందితుల వద్ద 8 మొబైల్ ఫోన్లు, 16 సిమ్ కార్డులను స్వాధీనం చేసుకున్నారు. ఈ ముఠాకు బంగ్లాదేశ్‌లో ఉంటున్న ఒక కశ్మీర్ వ్యక్తి సూత్రధారిగా వ్యవహరిస్తున్నాడు. అతడు గతంలో పాకిస్థాన్‌లో ఉగ్రవాద శిక్షణ పొందినట్లు సమాచారం. ఢిల్లీలోని రద్దీ ప్రాంతాలు, దేవాలయాలే లక్ష్యంగా దాడులకు వీరు ప్రణాళికలు రూపొందించారు. చాందినీ చౌక్ సమీపంలోని ఆల యంతో పాటు ఎర్రకోట పరిసర ప్రాంతా ల్లో ఐఈడీ (ఐఈడీ) పేలుళ్లకు కుట్రపన్నారు.

నిందితుల ఫోన్లలో పలు నగరాల రెక్కీకి సంబంధించిన వీడియోలు దొరికాయి. ఢిల్లీ మెట్రో పరిసరాల్లో ‘ఫ్రీ కశ్మీర్’ పోస్టర్లు దర్శనమివ్వడంతో ఈ కుట్ర వెలుగులోకి వచ్చింది. స్పెషల్ సెల్ పోలీసులు లోతుగా విచారణ జరిపి ఈ నెట్‌వర్క్‌ను గుర్తించారు. ఉగ్రవాద కార్యకలాపాలకు మద్దతుగా ఆన్‌లైన్‌లో పోస్టులు పెడుతున్న వారిపై నిఘా పెట్టారు. స్థానిక పోలీసుల సాయంతో తిరుప్పూర్‌లో ఆపరేషన్ నిర్వహించారు. దేశంలో అలజడి సృష్టించే ముందే ఉగ్రవాదుల కుట్రను భగ్నం చేసినట్లు అధికారులు తెలిపారు.

షబ్బీర్‌కు లష్కరే తోయిబా లింక్‌లు

ఢిల్లీలో పట్టుబడిన ఉగ్రవాద ముఠా విచారణలో దిగ్భ్రాంతికర విషయాలు వె లుగులోకి వచ్చాయి. ఈ ముఠా హ్యాండ్లర్ షబ్బీర్ అహ్మద్ లోన్ నేరుగా లష్కరే తోయిబా అగ్రనేతలతో సంబంధాలు కలిగి ఉన్నట్లు పోలీసులు గుర్తించారు. ముంబై దాడుల సూత్రధారి హఫీజ్ సయ్యద్, కమాండర్ జాకీర్ ఉర్ రెహ్మాన్ లఖ్వీలతో ఇతడు నిరంతరం సంప్రదింపులు జరుపుతున్నట్లు ఆధారాలు లభించాయి. కశ్మీర్‌కు చెందిన షబ్బీర్ ప్రస్తుతం బంగ్లాదేశ్ కేంద్రంగా తన కార్యకలాపాలు సాగిస్తున్నాడు. పాకిస్థాన్ గూఢచారి సంస్థ ఐఎస్‌ఐ ఈ కుట్ర వె నుక ఉన్నట్లు దర్యాప్తు సంస్థలు అనుమానిస్తున్నాయి. భారత్‌లో అక్రమంగా నివసిస్తున్న బంగ్లాదేశీయులను ఉగ్రవాద దాడుల కోసం ఐఎస్‌ఐ వాడుకుంటోంది.

వీరికి అవసరమైన నిధులు, శిక్షణను కూడా పాక్ అంది స్తోంది. పట్టుబడిన ఎనిమిది మంది నిందితులు షబ్బీర్ ఆదేశాల మేరకు ఢిల్లీలో విధ్వంసం సృష్టించేందుకు ప్రణాళికలు వేశారు. గతేడాది నవంబర్‌లో ఎర్రకోట సమీపంలో జరిగిన కారు బాం బు పేలుడులో 13 మంది మరణించారు. అప్పట్లో జరిగిన దా డులకు ప్రతీకారంగానే ఇప్పుడు మళ్లీ ఐఈడీ పేలుళ్లకు వీరు కు ట్ర పన్నినట్లు తెలుస్తోంది. ఫిబ్రవరి 6న ఇస్లామాబాద్‌లోని ఒక మసీదులో జరిగిన పేలుడుకు బదులు తీర్చుకోవాలని లష్కర్ భావిస్తోంది. ఇందులో భాగంగానే భారతదేశంలోని ప్ర ముఖ పుణ్యక్షేత్రాలు, చారిత్రక కట్టడాలను లక్ష్యంగా చేసుకున్నారు.