సిద్ధిఖీ కేసులో ప్రధాన నిందితుడు అరెస్ట్

1. యూపీలో అదుపులోకి  తీసుకున్న ముంబై పోలీసులు
2. నేరం అంగీకరించినట్టు పోలీసుల ప్రకటన

ముంబై, నవంబర్ 10: ఎన్సీపీ సీనియర్ నేత బాబా సిద్ధిఖీ హత్య కేసుకు సంబంధించిన ప్రధాన నిందితుడిని పోలీసులు ఆది వారం అరెస్ట్ చేశారు. సిద్ధిఖీపై కాల్పులకు పాల్పడినట్లు ఆరోపణలు ఎదుర్కొంటున్న శివకుమార్‌ను ఉత్తరప్రదేశ్ ఎస్టీఎఫ్‌తో కలిసి ముంబై పోలీసులు బహ్రాయిచ్ ప్రాంతంలో అదుపులోకి తీసుకున్నారు.

నిందితుడునే పాల్ పారిపోయేందుకు ప్రయత్నించినట్లు అధికారులు పేర్కొన్నారు. శివకుమార్‌కు యూపీలో ఆశ్రయం కల్పించినట్టు ఆరోపణలు ఎదుర్కొంటున్న మరో నలుగురుని కూడా అధికారులు అదుపులోకి తీసుకున్నట్టు చెప్పారు. అంతేకాకుండా తనకు లారెన్స్ బిష్ణోయ్ గ్యాంగ్‌తో సంబంధాలు ఉన్నట్టు అతడు అంగీకరించాడని పోలీసులు వెల్లడించారు. గత నెల 12న సిద్ధిఖీ తన కుమారుడి కార్యలయంలో ఉండగా కాల్పులు జరిగాయి.