న్యూఢిల్లీ: దక్షిణ ఢిల్లీలో భారీ అగ్ని ప్రమాదం సంభవించింది. శనివారం అర్థరాత్రి ప్రమాదవశాత్తు చెప్పుల దుకాణంలో మంటలు చెలరేగాయి. ఈ ప్రమాదంలో అన్నాచెల్లితో సహా నలుగురు మృతి చెందగా, మరొకరికి గాయాలయ్యాయి. సమాచారం అందుకున్న పోలీసులు, అగ్నిమాపక సిబ్బంది ఘటనాస్థలికి చేరుకుని మంటలను అదుపులోకి తెచ్చారు. 

ఆ భవనంలో అగ్నిమాపక భద్రతా ఏర్పాట్లు లేవని అగ్నిమాపక అధికారులు తెలిపారు. మృతుల్లో ఇద్దరు సతేందర్ గుప్తా(38), అతని సోదరి అనిత(40)గా గుర్తించారు. గుర్తుపట్టలేనంతగా కాలిపోయిన మరో ఇద్దరు బాధితులను గుర్తించడానికి ప్రయత్నాలు కొనసాగుతున్నాయి. 25% కాలిన మమత(40) అనే మహిళను అధికారులు రక్షించి చికిత్స నిమిత్తం స్థానికి ఆసుపత్రికి తరలించారు. అగ్నిప్రమాదం వెనుక గల కారణాన్ని పోలీసులు దర్యాప్తు చేస్తున్నారు.