ములుగు జిల్లాలో భారీ చోరీ

వెంకటాపురం: ములుగు జిల్లా(Mulugu district) వెంకటాపురం మండలం గుంటూరుపల్లి గ్రామంలో భారీ చోరీ జరిగింది. గుర్తుతెలియని దొంగలు ఒక ఇంట్లోకి చొరబడి, విలువైన వస్తువులు, ముఖ్యమైన భూమి పత్రాలను అపహరించుకుపోయారు. ఈ ఘటన మోతే రమ నివాసంలో చోటుచేసుకుంది. దుండగులు సుమారు 22 తులాల బంగారం, 20 తులాల వెండి ఆభరణాలను అపహరించినట్లు బాధితులు ఆరోపించారు. అలాగే, ఇంట్లో భద్రపరిచిన కీలకమైన భూమి పత్రాలను కూడా వారు తీసుకువెళ్లారు. బాధితుల ఫిర్యాదు మేరకు పోలీసులు(Police) కేసు నమోదు చేసి, నిందితులను గుర్తించడానికి, దొంగిలించబడిన ఆస్తిని స్వాధీనం చేసుకోవడానికి దర్యాప్తు ప్రారంభించామని పోలీసులు వెల్లడించారు.