నిర్మల్ (విజయక్రాంతి): నిర్మల్ లో తెలంగాణ ప్రభుత్వం విశ్రాంత ఉద్యోగుల సంఘం ప్రాంగణములో 3 ప్రపంచ తెలుగు మహాసభల ఆత్మీయ ఆహ్వాన పత్రాలు, కరపత్రాలను మల్లినాథసూరి కళాపీఠం ఏడుపాయల సంస్థాన్ జాతీయ కార్యనిర్వాహక అధ్యక్షులు, నిర్మలభారతి సాహిత్య సాంస్కృతిక కళా సామాజిక సేవా క్షేత్రం జిల్లా ప్రధానకార్యదర్శి, ప్రముఖ పద్యకవి బి వెంకట్, ఆవిష్కరించారు. 2026 జనవరి 3, 4, 5 తేదీలలో 3వ ప్రపంచ తెలుగు మహాసభలు ఆంధ్రప్రదేశ్ ముఖ్యమంత్రి నారా చంద్రబాబునాయుడు, ఆంధ్ర సారస్వత పరిషత్తు అధ్యక్షులు డా.గజల్ శ్రీనివాస్ ఆధ్వర్యంలో ఆంధ్రప్రదేశ్ లోని గుంటూరు అమరావతిలో జరుగనున్నాయని తెలిపారు. భారత ప్రధానమంత్రి నరేంద్రమోడీ ముఖ్యఅతిథిగా పాల్గొననున్నారని తెలిపారు  3 వ ప్రపంచ తెలుగు మహాసభల్లో పాల్గొని విజయవంతం చేయాలని కోరారు. పద్యకవి డా బి.వెంకట్, కవులు-నేరెళ్ళ హన్మంతు,పత్తి శివప్రసాద్,అంబటి నారాయణ,పోలీస్ భీమేశ్,కొండూరి పోతన్న,కొడారి దశరథ్,శశికుమార్,గంగన్న, బస్వరాజు,చెనిగారపు నాగరాజు తదితరులు పాల్గొన్నారు.