మాంక్స్ కరాటే అసోసియేషన్ గౌరవ అధ్యక్షుడు నాగరాజు..

కల్వకుర్తి: పుట్టినగడ్డ రుణం తీర్చుకోవాలనుకోవడం ఉత్తముని లక్షణమని, యుద్ధ విద్య కరాటే ప్రతి ఒక్కరికి ఎంతో అవసరమని మాంక్స్ మార్షల్ ఆర్ట్స్ కరాటే అసోసియేషన్(Manx Martial Arts Karate Association) గౌరవ అధ్యక్షుడు నాగరాజు, కరాటే మాస్టర్ నీరటి కుమార్ లు అన్నారు. ఆదివారం వెల్దండ మండలం, కొట్ర గ్రామంలో కరాటే మాస్టర్ నీరటి కుమార్ పర్యవేక్షణలో శిక్షణ పొందిన పవన్, అఖిరా, జత్విన్, వసంత్ కుమార్, రిత్విక్, ఆరాధ్య లకు ఆరంజ్ బెల్టులు అందజేయగా నవ్య, యశశ్విత, ప్రణయ్, శశాంక్, నితీష్, విద్యాదిత్య, మహతిలకు గ్రీన్ బెల్టులు ప్రధానోత్సవ కార్యక్రమం నిర్వహించారు. గౌరవ అధ్యక్షుడు నాగరాజుతో పాటు సీఆర్పీ ఆంజనేయులు, అశోక్ లు ముఖ్య అతిథులుగా పాల్గొని విద్యార్థులకు బెల్టులు అందజేశారు. మాస్టర్ కుమార్ తన సొంత ఖర్చులతో పురిటి గడ్డ ఋణం తీర్చుకునే దిశగా ఉచితంగా కరాటే నేర్పించడం అభినందనీయమన్నారు. ఈ కార్యక్రమంలో గ్రామస్తులు నాగేష్, విద్యార్థులు ఉన్నారు.