విజయ్ పుట్టినరోజు వేడుకల్లో విషాదం

చెన్నై:  తమిళ హీరో తలపతి విజయ్ జూన్ 22 నాటికి  50 ఏళ్లు పూర్తి చేసుకున్నాడు. అయితే, విజయ్ పుట్టినరోజు వేడుకల్లో విషాదం చోటుచేసుకుంది. శనివారం నాడు చెన్నైలోని నీలంకరై పరిసరాల్లో అగ్నిని ఉపయోగించి మార్షల్ ఆర్ట్స్ స్టంట్‌లో 11 ఏళ్ల బాలుడు చేసిన ప్రయత్నం దాదాపుగా ప్రాణాంతకంగా మారింది. ఒక ఈవెంట్‌లో  ఫైర్ స్టంట్ చేస్తున్న బాలుడికి ప్రమాదం జరిగింది. అతని శరీరానికి మంటలు అంటుకున్నాయి. బాలుడిని చికిత్స నిమిత్తం ఆస్పత్రికి తరలించినట్లు సమాచారం. ఈ ఘటనకు సంబంధించిన వీడియో సోషల్ మీడియాలో వైరల్ అవుతోంది. ఈ ప్రమాదంలో ఇద్దరు గాయపడ్డారు. విజయ్ రాబోయే చిత్రం ది గ్రేటెస్ట్ ఆఫ్ ఆల్ టైమ్ (గోట్) నిర్మాతలు సైన్స్ ఫిక్షన్ యాక్షన్ చిత్రం టీజర్‌ను విడుదల చేశారు. ఇందులో అతను రెండు పాత్రలు పోషించబోతున్నాడు. ఈ సినిమా సెప్టెంబర్ 05న విడుదల కానుంది.