సాయిరి పద్మ మహేందర్ దంపతులను అభినందించిన ఎమ్మెల్యే..

సుల్తానాబాద్ (విజయక్రాంతి): సుల్తానాబాద్ పట్టణంలోని శాస్త్రి నగర్ అయ్యప్ప ఆలయంలో శనివారం పెద్దపెల్లి ఎమ్మెల్యే చింతకుంట విజయ రమణారావు అయ్యప్ప ఆలయ ట్రస్ట్ వ్యవస్థాపకులు, చైర్మన్ సాయిరి పద్మ మహేందర్ దంపతులతో కలిసి మొక్కలు నాటారు. అనంతరం నిత్య అన్నదాన కార్యక్రమాన్ని ప్రారంభించారు. అయ్యప్ప స్వామిని దర్శించుకున్నారు. అనంతరం అన్నదాన అయ్యప్ప దీక్షపరులకు అన్నదానం చేశారు. ఈ సందర్భంగా ఎమ్మెల్యే మాట్లాడుతూ పదహారేళ్లుగా అయ్యప్ప దీక్షపరులకు అన్నదానం నిర్వహించిన శిబిరంలో ఎనిమిది నెలల్లోనే నూతన అయ్యప్ప ఆలయ దేవాలయాన్ని నిర్మించిన మహేందర్ పద్మ దంపతులను అభినందించారు.

ఆలయ అభివృద్ధికి తన సహాయ సహకారాలు పూర్తిస్థాయిలో ఉంటాయని పేర్కొన్నారు. ఈ కార్యక్రమంలో వేద పండితులు ఉప్పర మల్యాల లక్ష్మణ్, గూడ రమేష్ శర్మ, గురు స్వామి మిట్టపల్లి మురళీధర్, కాంగ్రెస్ నాయకులు ముత్యాల రవీందర్, జైపాల్ రెడ్డి, నగునూరి అశోక్, చకిలం మారుతి, కందునూరి ప్రకాష్ రావు (పెద్దన్న), మారవేణి లచ్చయ్య, ఉస్తేం గణేష్, వేగోళం అబ్బయ్య గౌడ్, వేగోళంశంకర్, అమిరిశెట్టి తిరుపతి, కుమార్ కిషోర్, గందె రాజు, మెరుగు వెంకటేష్ (డీలర్), పూసల రామకృష్ణ (బెస్ట్ ఫోటోగ్రాఫర్), తిరుపతిరావు, ఎల్లె రాజు, శెట్టి శీను తదితరులు పాల్గొన్నారు.