ఘనంగా ఎమ్మెల్సీ అంజిరెడ్డి జన్మదిన వేడుకలు..

పాపన్నపేట: కరీంనగర్, ఆదిలాబాద్, మెదక్, నిజామాబాద్ పట్టభద్రుల ఎమ్మెల్సీ అంజిరెడ్డి(Graduate MLC Anji Reddy) జన్మదిన వేడుకలు ఏడుపాయల వనదుర్గ మాత సన్నిధిలో బుధవారం ఘనంగా నిర్వహించారు. ఈ కార్యక్రమానికి పెద్దఎత్తున ఆయన అభిమానులు కార్యకర్తలు తరలివచ్చారు. ఈ సందర్భంగా ఎమ్మెల్సీ అంజిరెడ్డి వనదుర్గమాతను దర్శించుకుని ప్రత్యేక పూజలు నిర్వహించారు. ఇందులో భాగంగా వేద పండితులు ఆలయ మర్యాదల ప్రకారం ఆయనకు ఘన స్వాగతం పలికి శాలువాతో సన్మానించారు. అనంతరం ఆయన పుట్టినరోజులు పురస్కరించుకొని కేక్ కట్ చేశారు. ఈ కార్యక్రమంలో జిల్లా నాయకులు మల్లేష్ గౌడ్, ముదిరాజ్ సంఘం  జిల్లా నాయకుడు బైండ్ల సత్యనారాయణ, గడ్డం శ్రీనివాస్, సంతోష్ చారి, బి కొండ రాములు, సుంకరి సాయిలు, తదితరులు పాల్గొన్నారు.