సినీ నటుడు మోహన్‌బాబు ఇంట్లో చోరీ

రూ.10 లక్షలతో ఉడాయించిన పనిమనిషి

మహేశ్వరం, సెప్టెంబర్ 25: ప్రముఖ సినీ నటుడు మోహన్‌బాబు ఇంట్లో చోరీ జరిగింది.  పహాడీ షరీఫ్ పోలీసులు తెలిపిన వివరాలు.. రంగారెడ్డి జిల్లా జల్‌పల్లి మున్సిపాలిటీలోని మంచు టౌన్‌షిప్‌లో సినీ నటుడు మోహన్‌బాబుకు ఇల్లు ఉంది.

12 ఏళ్లుగా ఆయన కుటుంబ సభ్యులతో కలిసి అందులోనే నివసిస్తున్నారు. ఆ ఇంట్లో కిరణ్ తేజ్, గణేశ్ అనే ఇద్దరు వ్యక్తులు పనిచేస్తున్నారు. సోమవారం కిరణ్‌తేజ్, గణేశ్ తిరుపతిలోని మోహన్‌బాబుకు సంబంధించిన మరో ఇంటినుంచి జల్‌పల్లిలోని ఇంటికి రూ.10 లక్షలు నగదు తీసుకువచ్చారు.

ఆ తర్వాత కిరణ్‌తేజ్ పడుకోడానికి వెళ్లాడు. కాసే పటి తర్వాత ఇంట్లో గణేశ్‌తోపాటు తిరుపతి నుంచి తీసుకువచ్చిన నగదు కూడా కనిపించకపోవడంతో.. కిరణ్‌తేజ్ విషయాన్ని ఇంటి యజమాని మోహన్‌బాబుకు చెప్పాడు. దీంతో మోహన్‌బాబు సలహా మేరకు కిరణ్‌తేజ్ సోమవారం రాత్రి పహాడీషరీఫ్ పోలీసులకు ఫిర్యాదు చేశాడు. పోలీసులు దర్యాప్తు చేపట్టి.. గణేశ్‌ను తిరుపతిలో అదుపులోకి తీసుకోవడంతో పాటు అతడి వద్ద నుంచి రూ.10 లక్షలు రికవరీ చేశారు.