శ్రీనాథ్ మాగంటి హీరోగా బాల సతీశ్ దర్శకత్వంలో తెరకెక్కిన చిత్రం ‘మెన్షన్ హౌస్ మల్లేష్’. ఇందులో గాయత్రి రమణ, సాయి కామాక్షి భాస్కర్ల హీరోయిన్లు. కనకమేడల ప్రొడక్షన్స్ బ్యానర్‌పై రాజేశ్ నిర్మిస్తున్నారు. ఈ చిత్రం మార్చి 6న రిలీజ్ కానుంది. ఈ సందర్భంగా హీరో శ్రీనాథ్ విలేకరులతో సినిమా విశేషాలు పంచుకున్నారు. 

* మా టైటిల్ ‘మెన్షన్ హౌస్ మల్లేష్’.. అయితే ఓవర్ లుక్‌లో టైటిల్‌ని అలా అనిపిపిస్తోంది. ఇందులో నా క్యారెక్టర్ తప్పుగా ఆ పేరు రాస్తాడు. కానీ, జనం రైట్‌గా చదువుతున్నారు. సినిమాకు క్యాచి టైటిల్ కావాలి. అలా ఈ టైటిల్‌తో ఆకట్టుకున్నాం.  

* ఇందులో నా క్యారెక్టర్ విభిన్నంగా ఉంటుంది. -ఒక పొగరుబోతు, దారితప్పి లేనిపోనీ అలవాట్లుతో వున్న ఓ పాత్రను అతని తల్లి, భార్య ఎలా దారిలోకి తీసుకోస్తారనేది చాలా సరదాగా చెప్పాం. ఇది మంచి ఫ్యామిలీ ఎంటర్‌టైనింగ్ కామెడీ జానర్ ఫిల్మ్.  

* నన్ను నేను కొత్తగా చూపించుకోడానికి ఒక అవకాశం దొరికింది. ఈ సినిమా కోసం కొన్ని రియల్ లైఫ్ క్యారెక్టర్స్‌ను పరిశీలించాను. మా అమ్మ పాత చున్ని ఉంటే దాన్ని చొక్కాగా కుట్టించుకుని వేసుకున్నాను. మల్లేష్‌ను నాలో చూపించడానికి నేను చాలా మారాల్సి వచ్చింది. ఈ సినిమాతో ప్రేక్షకులు నా పేరు గుర్తుపెట్టుకుంటారని నమ్ముతున్నా. ఇంకా కొత్తగా ‘ఈ నగరానికి ఏమైంది రిపీట్’ చేస్తున్నా. సోలో హీరోగా కొన్ని కథలు వింటున్నా.