హైదరాబాద్: జూబ్లీహిల్స్ నియోజకవర్గ ఎమ్మెల్యేగా వీ. నవీన్ యాదవ్ బుధవారం ప్రమాణ స్వీకారం చేశారు. శాసనసభ ప్రాంగణంలో తెలంగాణ అసెంబ్లీ స్పీకర్ గడ్డం ప్రసాద్ కుమార్ నవీన్ యాదవ్ తోప్రమాణ స్వీకారం చేయించారు. ఇటీవలి ఎన్నికల్లో నవీన్ యాదవ్ మొత్తం 98,988 ఓట్లను సాధించి, బీఆర్ఎస్ అభ్యర్థి మాగంటి సునీతను 24,729 ఓట్ల తేడాతో ఓడించారు. ఈ ప్రమాణ స్వీకారంతో ఆయన జూబ్లీ హిల్స్ నియోజకవర్గం ఎన్నికైన ప్రతినిధిగా అధికారికంగా పదవీ బాధ్యతలు స్వీకరించారు. ఈ కార్యక్రమంలో కాంగ్రెస్ పార్టీ నాయకులు, మద్దతుదారులు, ప్రజా ప్రతినిధులు పాల్గొన్నారు.