మేడ్చల్ జిల్లా యూనివర్సల్ హ్యూమన్ రైట్స్ అసోసియేషన్‌కు కొత్త అధ్యక్షుడు నియామకం

మేడిపల్లి,(విజయక్రాంతి): మేడ్చల్ జిల్లా యూనివర్సల్ హ్యూమన్ రైట్స్, లీగల్ అవేర్‌నెస్ అసోసియేషన్‌కు నూతన అధ్యక్షుడిగా కసాల కనకచారి (కె.కె. చారి) బాధ్యతలు స్వీకరించారు. ఈ సందర్భంగా నిర్వహించిన కార్యక్రమంలో మల్కాజ్గిరి డివిజన్ ఏసీపీ చక్రపాణి, సిఐ ఆంజనేయులు చేతుల మీదుగా కనకచారికి నియామక పత్రాన్ని అందజేశారు. అనంతరం ఆయనకు శుభాకాంక్షలు తెలియజేస్తూ, సంస్థ అభివృద్ధికి కృషి చేయాలని ఆకాంక్షించారు.

అధ్యక్షుడిగా బాధ్యతలు స్వీకరించిన అనంతరం కసాల కనకచారి మాట్లాడుతూ, సమాజంలో మానవ హక్కుల పరిరక్షణ తన ప్రధాన లక్ష్యమని తెలిపారు. ప్రజల్లో చట్టపరమైన అవగాహన పెంపొందించేందుకు ప్రత్యేక కార్యక్రమాలు చేపట్టి, ప్రతి ఒక్కరికీ న్యాయం అందేలా కృషి చేస్తానని స్పష్టం చేశారు.