పెడితే కఠిన చర్యలు తప్పవు.. మున్సిపల్ కమిషనర్

తాండూరు (విజయక్రాంతి): రాబోయే దీపావళి పండుగ సందర్భంగా బాణసంచా దుకాణాలను నిబంధన మేరకు అనుమతి పొంది ఏర్పాటు చేసుకోవాలని వికారాబాద్ జిల్లా తాండూర్ మున్సిపల్ కమిషనర్ యాదగిరి సూచించారు. బుధవారం బాణసంచా దుకాణాలు ఏర్పాటు చేసే యజమానులతో సమావేశం నిర్వహించారు. నివాస ప్రాంతాల్లో బాణసంచ దుకాణాలను ఏర్పాటు చేయడానికి వీలు లేదని స్పష్టం చేశారు. జనవాసాల మధ్య ఏర్పాటు చేస్తే కఠిన చర్యలు తీసుకుంటామని హెచ్చరించారు. లైసెన్సును పొందడానికి అగ్నిమాపక శాఖ అధికారుల అనుమతి తప్పనిసరిగా తీసుకోవాలన్నారు. ఈ సమావేశంలో మేనేజర్ నరేందర్ రెడ్డి, ఇన్చార్జి శానిటరీ ఇన్స్పెక్టర్లు ఉమేష్ కుమార్, వెంకటయ్య, వ్యాపార ప్రతినిధులు పాల్గొన్నారు.