ఎల్బీనగర్: లింగోజిగూడ డివిజన్ పరిధిలోని ఎల్బీనగర్‌ సీఎం రోడ్, గవర్నమెంట్ స్కూల్ వెనుక ప్రాంతంలో రూ.15 లక్షల వ్యయంతో నిర్మించిన ఓపెన్ జిమ్ ను శనివారం కార్పొరేటర్ ధర్పల్లి రాజశేఖర్ రెడ్డి ప్రారంభించారు. ఈ సందర్భంగా ఆయన మాట్లాడుతూ... ప్రభుత్వ ఉన్నత పాఠశాల వెనుక ప్రాంతం ఒకప్పుడు చెత్తతో నిండిపోయి, దుర్వాసనతో ప్రజలు అనేక ఇబ్బందులు ఎదుర్కొన్నారన్నారు. విద్యార్థులు, స్థానికుల విజ్ఞప్తితో ప్రజలకు ఉపయోగపడే విధంగా తీర్చిదిద్దినట్లు తెలిపారు.

ప్రజలు ఇకపై అనారోగ్య సమస్యలు ఎదుర్కోకుండా, ఆరోగ్యకరమైన వాతావరణం కల్పించాలనే లక్ష్యంతో ఓపెన్ జిమ్ ఏర్పాటు చేశామని తెలిపారు.‌ లింగోజిగూడ డివిజన్‌లో ప్రజల సమస్యలను త్వరగా పరిష్కరించడమే తన ధ్యేయమన్నారు. ఈ కార్యక్రమంలో ఎల్బీనగర్ గవర్నమెంట్ స్కూల్ విద్యార్థులు, ఎస్బీహెచ్ కాలనీ వెంచర్–1, వెంచర్–2 సభ్యులు, శాతవాహన కాలనీ, కాకతీయ కాలనీ, నవోదయ కాలనీ, ప్రగతి నగర్, జనప్రియ, కృష్ణానగర్ కాలనీ సభ్యులు, స్థానిక నాయకులు పాల్గొన్నారు.