ఎల్లారెడ్డి నియోజకవర్గంలో ఎమ్మెల్యే మదన్ మోహన్ ఆధ్వర్యంలో కాంగ్రెస్ పార్టీలో చేరికలు

గాంధారి,(విజయక్రాంతి): కామారెడ్డి జిల్లా గాంధారి మండలం ముదేలి గ్రామానికి చెందిన మహిళలు బీఆర్ఎస్ పార్టీని నుంచి ఎమ్మెల్యే మదన్ మోహన్ ఆధ్వర్యంలో శనివారం కాంగ్రెస్ పార్టీలో చేరారు.ఎమ్మెల్యే మదన్ మోహన్ నియోజకవర్గంలో చేపట్టిన అభివృద్ధి కార్యక్రమాలు తమను ఆకట్టుకున్నాయని, రాష్ట్రవ్యాప్తంగా కాంగ్రెస్ ప్రభుత్వం అమలు చేస్తున్న సంక్షేమ పథకాలు ఎంతో ప్రేరణనిచ్చాయని వారు పేర్కొన్నారు. గత ప్రభుత్వ ఎమ్మెల్యేతో పోల్చితే, ప్రస్తుత ఎమ్మెల్యే మదన్ మోహన్  నాయకత్వంలో జరుగుతున్న అభివృద్ధి పనులు విస్తృతంగా, ప్రజల జీవితాలను మార్చే విధంగా ఉన్నాయని ప్రత్యేకంగా తెలిపారు.

పేదలకు ఇంద్రమ్మ ఇల్లు, సన్న బియ్యం, ఉచిత కరెంట్, కొత్త రేషన్ కార్డులు వంటి పథకాలు ప్రతి ఒక్కరికీ చేరుతున్నాయని చెప్పారు. గతంతో పోల్చుకుంటే ఎన్నడూ లేనంతలా ముదేలి గ్రామంలో అభివృద్ధి మొదలైందని, ఎమ్మెల్యే మదన్ మోహన్ గారు వచ్చిన తర్వాత గ్రామం నిజమైన అభివృద్ధి దిశగా ముందుకు సాగిందని మహిళా నాయకులు పేర్కొన్నారు.ఈ సందర్భం గా ఎమ్మెల్యే మదన్ మోహన్  వారికి కాంగ్రెస్ పార్టీ కండువా కప్పి స్వాగతం పలికారు.