న్యూఢిల్లీ: భారత ఉప రాష్ట్రపతి జగదీప్‌ ధన్‌ఖడ్‌(Jagdeep Dhankhar) తన పదవికి రాజీనామా చేశారు. జగదీప్ ధన్ ఖడ్ రాజీనామాపై ప్రధాని నరేంద్ర మోదీ(Prime Minister Narendra Modi) స్పందించారు. జగదీప్‌ ధన్‌ఖడ్‌ త్వరగా కోలుకోవాలని ప్రధాని ట్వీట్ చేశారు. జగదీప్‌ ధన్‌ఖడ్‌ దేశానికి అనేక సేవలందించారని, ఉపరాష్ట్రపతి సహా అనేక పదవుల ద్వారా సేవలందించారని కొనియాడారు. జగదీప్‌ ధన్‌ఖడ్‌(Dhankhar) త్వరగా కోలుకోవాలని ఆకాంక్షిస్తున్నాని పేర్కొన్నారు.

ఇప్పటికే భారత రాష్ట్రపతి ద్రౌపది ముర్ము(President Droupadi Murmu) ఉపరాష్ట్రపతి జగదీప్ ధన్‌ఖడ్‌ రాజీనామాను ఆమోదించి, దానిని హోం మంత్రిత్వ శాఖకు పంపారు. ఉపాధ్యక్షుడు జగదీప్ ధన్‌ఖడ్‌ రాజీనామాకు సంబంధించి జూలై 22న రాజ్యసభ జారీ చేసిన నోటిఫికేషన్ గురించి రాజ్యసభకు తెలియజేసినట్లు వార్తా సంస్థ పిటిఐ పేర్కొంది. అనారోగ్య కారణాలను చూపుతూ సోమవారం సాయంత్రం జగదీప్ ధన్‌ఖడ్‌ తన పదవికి రాజీనామా చేశారు. తన రాజీనామాను రాష్ట్రపతి ద్రౌపది ముర్ముకు పంపారు. తక్షణమే రాజీనామా చేస్తున్నట్లు తెలిపారు.