బుగ్గ రాజేశ్వర దేవాలయంలో పూజా సామాగ్రి బహిరంగ వేలం

సిద్ధిపేట రూరల్: సిద్ధిపేట జిల్లా నారాయణరావుపేట గ్రామంలో గల శ్రీ స్వయంభు బుగ్గ రాజేశ్వర స్వామి దేవస్థానం ప్రాంగణంలో కొబ్బరికాయలు, పూజా సామగ్రి బహిరంగ వేలం నిర్వహించనున్నారు. ఈ వేలం ఫిబ్రవరి 9, 2026 సోమవారం మధ్యాహ్నం 12.00 గంటలకు జరగనుంది అని ప్రకటనలో తెలిపారు.

ఈ సందర్భంగా దేవస్థానం చైర్మన్ బాగన్న కరుణాకర్ ముదిరాజ్, కార్యనిర్వాహణ అధికారి కొమ్మేర శ్రీధర్ రెడ్డి మాట్లాడుతూ, పారదర్శకంగా బహిరంగ వేలం నిర్వహించి, వచ్చిన ఆదాయాన్ని దేవస్థానం అభివృద్ధి కార్యక్రమాలకు వినియోగించనున్నట్లు తెలిపారు. అలాగే ఆసక్తి గల దాతలు, భక్తులు, గ్రామ ప్రజలు తప్పక ఈ వేలంలో పాల్గొని లబ్ధి పొందాలని వారు విజ్ఞప్తి చేశారు.