calender_icon.png 30 November, 2025 | 1:33 AM

  • top-fb.png
  • top-tw.png
  • top-insta.png
  • top-yt.png

ఉద్యోగం వదిలి.. ఊరి బరిలో!

30-11-2025 12:31:03 AM

  1. నాలుగు నెలల పదవీకాలం వదులుకున్న ఎస్సై
  2. గుడిబండ సర్పంచ్ స్థానానికి పోటీ
  3. దానికోసం వీఆర్‌ఎస్ తీసుకున్న పులి వెంకటేశ్వర్లు

కోదాడ, నవంబర్ 29: సూర్యాపేట జిల్లా కోదాడ టౌన్ ఎస్సైగా విధులు నిర్వహిస్తున్న పులి వెంకటేశ్వర్లు వీఆర్‌ఎస్ తీసుకున్నారు. ఇంకా నాలుగు నెలల పదవీ కాలం మిగిలి ఉండగానే స్వచ్ఛంద పదవీ విరమణ తీసుకున్నారు. కోదాడ మండలం గుడిబండ గ్రామ సర్పంచ్ అభ్యర్థిగా పోటీ చేయాలనే ఉద్దేశంతో ఆయన వీఆర్‌ఎస్ తీసుకున్నట్లు తెలుస్తోంది.

పోలీస్ శాఖలో సుదీర్ఘ కాలంగా పనిచేసిన అనుభవాన్ని గ్రామ అభివృద్ధికి వినియోగించాలన్న సంకల్పంతో ఈ నిర్ణయం తీసుకున్నారని ఆయన సన్నిహితులు చెపుతున్నారు. ఎస్సై స్థాయి అధికారి రాజకీయ బరిలోకి దిగడం స్థానికంగా చర్చనీయాంశమవ్వడంతో పాటు, రానున్న పంచాయతీ రాజకీయాల్లో ప్రాధాన్యతను సంతరించుకుంది.