‘రాజు వెడ్స్ రాంబాయి’ సినిమా ప్రస్తుతం అత్యద్భుతమైన ప్రేక్షకాదరణతో దూసుకెళుతోంది. ఈ చిత్ర కథా నాయకుడు అఖిల్‌రాజ్ తన నటనపై అన్నివర్గాల వారు ప్రశంసలు కురిపిస్తున్నారు. ఇప్పుడీ యువ హీరో మరో కొత్త సినిమాతో రానున్నా డు. అఖిల్‌రాజ్‌తోపాటు దివిజ ప్రభాకర్, ఆదిత్య శశికుమార్, సదన్, వసంతిక మచ్చ, హీరోహీరోయిన్లుగా రూపొందుతున్న ఈ చిత్రం ‘అర్జునుడి గీతోపదేశం’ పేరుతో రానుంది. వరలక్ష్మి శరత్‌కుమార్ ఓ కీలక పాత్ర పోషిస్తోంది.

సతీశ్ గోగాడ దర్శకుడిగా పరిచయమవుతున్న ఈ చిత్రాన్ని ఫస్ట్ కట్ ఫిలిం ఫ్యాక్టరీ బ్యానర్‌పై త్రిలోక్‌నాథ్ కాళి శెట్టి నిర్మిస్తున్నారు. ఇప్పటికే ఈ సినిమా చిత్రీకరణ 80% పూర్తయిం దని, ఆఖరి షెడ్యూల్ డిసెంబర్‌లో ప్రారంభం కానుందని చిత్ర నిర్మాత తెలిపారు. ఈ చిత్రానికి చరణ్ అర్జున్ సంగీతం అందిస్తుండగా చైతన్య కందుల డీవోపీగా, ఎంఎన్ అర్జున్ ఎడిటర్‌గా పనిచేస్తున్నారు.