రామ్ పోతినేని తాజాచిత్రం ‘ఆంధ్ర కింగ్ తాలూకా’. మైత్రి మూవీ మేకర్స్ నిర్మించిన ఈ చిత్రానికి మహేశ్‌బాబు పీ దర్శకుడు. ఇందులో భాగ్యశ్రీ బోర్సే కథానాయికగా నటించగా, ఉపేం ద్ర ఆన్-స్క్రీన్ సూపర్‌స్టార్ పాత్రను పోషించారు. నవంబర్ 27న థియేటర్లలో విడుదలైన ఈ చిత్రం ప్రేక్ష కాదరణ పొందుతోంది. ఈ సందర్భంగా మేకర్స్ శుక్రవారం ప్రెస్‌మీ ట్ నిర్వహించారు.  ఈ సమావేశంలో ఉపేంద్ర మాట్లాడుతూ.. “ఈ కథ విన్నప్పుడే థ్రిల్ అయిపోయా.

కానీ టైటిల్ ఆంధ్ర కింగ్ అని చెప్పినప్పుడు కాస్త కంగారుగా అనిపించింది. నేనెలా ఆంధ్ర కింగ్ అవుతాను అనిపించింది. కానీ ఇప్పుడనిపిస్తుంది.. ఇక్కడ ఉన్న వాళ్లందరూ ఆంధ్ర కింగ్స్ అని! నేను కింగ్‌లాగా ఫీల్ అవుతున్నానంటే అది ప్రేక్షకుల గొప్పతనం” అన్నారు. డైరెక్టర్ మహేశ్‌బాబు మాట్లాడుతూ.. “ఒక మంచి టీమ్‌తో ప్రయాణం చేసినప్పుడు అద్భుతాలు జరుగుతాయి. అలాంటి వండర్ ఆంధ్ర కింగ్ తాలూకా” అని చెప్పారు.

నిర్మాత రవిశంకర్ మాట్లాడుతూ.. “సినిమా గురించి ప్రతి ఒక్కరూ చాలా డీటెయిల్‌గా మాట్లాడుతున్నారు. ఇది చాలా లాంగ్ రన్ ఉన్న సినిమా. మూడు వారాలు అద్భుతంగా ఆడుతుందని అందరం నమ్ముతున్నాం. మేము ఆశించిన ఫలితం దక్కింది” అన్నారు. ఈ కార్యక్రమంలో నిర్మాత ఎస్‌కేఎన్, చిత్ర సంగీత దర్శక ద్వయం వివేక్, మర్విన్ పాల్గొన్నారు.