విద్యా సేవలకు గుర్తింపు - లిల్లీ మేరీకి సత్కారం

 జనగామ, (విజయక్రాంతి):జనగామ జిల్లా కేంద్రంలో 80వ స్వాతంత్ర్య దినోత్సవ వేడుకలు ఘనంగా జరిగాయి. ఈ సందర్భంగా వివిధ రంగాలలో విశేష సేవలు అందించిన వారికి అధికారులు ప్రశంస పత్రాలను అందజేశారు. జిల్లా విద్యా రంగంలో విశేష కృషి చేసిన తరిగొప్పుల మండలం అబ్దుల్ నాగారం జడ్.పి.హెచ్.ఎస్ పాఠశాలకు చెందిన ఉత్తమ ఉపాధ్యాయురాలు లిల్లీ మేరీ కి ప్రశంస పత్రాన్ని అందజేశారు. జిల్లా స్థాయి అధికారుల చేతుల మీదుగా లిల్లీ మేరీ ఈ అవార్డును స్వీకరించారు. విద్యార్థుల భవిష్యత్ కోసం నిబద్ధతతో పనిచేస్తున్న ఉపాధ్యాయులను గుర్తించి సత్కరించడం ముదావహమని అధికారులు పేర్కొన్నారు.