Breaking News

మరో 8 నెలలు మంటలేనా? ఎల్‌నినోపై సీఎం రేవంత్ హెచ్చరిక • ప్రాణాలతో చెలగాటం.. పెట్రోల్ తాగుతున్న వీడియో వైరల్ • ధాన్యం గోల్‌మాల్.. రంగంలోకి విజిలెన్స్ • మాజీ మంత్రిపై కేసు నమోదు • బెంబేలెత్తిస్తున్న వీధి కుక్కలు • భారీగా తగ్గిన బంగారం ధరలు • ప్రభుత్వ భూమిలో అక్రమ మట్టి తవ్వకాలు • ఆగని వానలు.. ఈ జిల్లాల్లో Schools బంద్ • ఎంపీ ఇంటి గేటుకు నోటీసులు • వణికించిన భూకంపం.. 16 మంది మృతి •

Districts - Jangaon

ఆదర్శ పాఠశాల ఇంటర్ విద్యార్థులకు ఇంటర్న్‌షిప్

రఘునాథపల్లి, అక్టోబర్ 23 (విజయక్రాంతి): రఘునాథపల్లి మండల కేంద్రంలోని తెలంగాణ ఆదర్శ పాఠశాల, కళాశాల ఇంటర్ విద్యార్థులకు 10 రోజుల దసరా ఇంటర్న్‌షిప్ కార్యక్రమాన్ని నిర్వహించినట్లు ప్రిన్సిపాల్ పాలకుర్తి శ్రీధర్ తెలిపారు. ఫిజికల్ ఎడ్యుకేషన్ అండ్ స్పోర్ట్స్ విభాగం విద్యార్థులు జనగామలోని స్వామి ఫిట్‌నెస్ సెంటర్‌ను సందర్శించారు. బాడీ బిల్డింగ్, డైట్ ప్లాన్, ఫిట్‌నెస్ నిర్వహణ, స్వయం ఉపాధి అవకాశాలపై ప్రత్యక్ష అనుభవం పొందారు.

23-10-2026 | 04:31pm

మత్స్య సహకార సంఘం నూతన కార్యవర్గం ఏకగ్రీవ ఎన్నిక

తరిగొప్పుల, అక్టోబర్ 23 (విజయక్రాంతి): తరిగొప్పుల మండల కేంద్రంలో మత్స్య పారిశ్రామిక సహకార సంఘం ఎన్నికలు ఏకగ్రీవంగా జరిగాయి. నూతన కార్యవర్గంలో చైర్మన్‌గా పండుగ కనకయ్య, వైస్ చైర్మన్‌గా సుంకరి కనకరాజు, కార్యదర్శిగా కలకుంట్ల సాంబరాజు ఎన్నికయ్యారు. డైరెక్టర్లుగా పండుగ శ్రీకాంత్, సుంకరి వెంకటేష్, చిలువేరు రాజశేఖర్, సుంకరి బాలరాజు, కలకుంట్ల రాజేందర్, మాదరబోయిన కనకయ్య ఏకగ్రీవంగా ఎన్నికయ్యారు.

23-10-2026 | 03:18pm

ఎలుగుబంటి దాడిలో రైతు మృతి

జనగామ, (బచ్చన్నపేట) అక్టోబర్ 23 (విజయక్రాంతి): జనగామ జిల్లా బచ్చన్నపేట మండలం కొడవటూరు గ్రామ శివారులో శుక్రవారం దారుణం చోటు చేసుకుంది. ఎలుగుబంటి దాడిలో రైతు మృతి చెందాడు. కొడవటూరు గ్రామానికి చెందిన రైతు మిన్నాలపురం సిద్దయ్య (60) శుక్రవారం ఉదయం 7 గంటల ప్రాంతంలో వ్యవసాయ పనుల నిమిత్తం తన పొలం వద్దకు వెళ్లగా ఒక్కసారిగా ఎలుగుబంటి దాడి చేసింది.

23-10-2026 | 02:57pm

తరిగొప్పుల పాఠశాలను తనిఖీ చేసిన కలెక్టర్ సందీప్ కుమార్ ఝా

జనగామ, అక్టోబర్ 23 (విజయక్రాంతి): పాఠశాల పరిసరాల్లో పరిశుభ్రత పాటించాలని, విద్యార్థులకు నాణ్యమైన మధ్యాహ్న భోజనం అందించాలని జిల్లా కలెక్టర్ సందీప్ కుమార్ ఝా అన్నారు.శుక్రవారం తరిగొప్పుల జెడ్పీహెచ్ఎస్ పాఠశాలను ఆకస్మికంగా తనిఖీ చేసి 8, 9, 10వ తరగతుల విద్యార్థుల అభ్యసన సామర్థ్యాలను పరిశీలించారు. విద్యార్థులతో ఆంగ్ల పాఠాలు చదివించి పఠన నైపుణ్యాన్ని పరిశీలించారు.

23-10-2026 | 02:51pm

పేదల పెన్నిధి పండుగ సాయన్న

తరిగొప్పుల మండల కేంద్రంలో తెలంగాణ ముదిరాజ్ మహాసభ మండల అధ్యక్షుడు సుంకరి నరసింహులు, మత్స్య కార్మిక శాఖ అధ్యక్షుడు పండుగ కనకయ్య ఆధ్వర్యంలో పండుగ సాయన్న ముదిరాజ్ జయంతి వేడుకలు ఘనంగా నిర్వహించారు. పేదలు, బడుగు బలహీన వర్గాల కోసం పోరాడిన మహావీరుడిగా నాయకులు ఆయన సేవలను కొనియాడారు. చిత్రపటానికి పూలమాలలు వేసి నివాళులర్పించారు. పలువురు ముదిరాజ్ సంఘం నాయకులు పాల్గొన్నారు.

22-10-2026 | 12:45pm

నీటి కుంటలో పడి బాలుడు మృతి

జనగామ: రఘునాథపల్లి మండలం బానాజీపేట గ్రామంలో ఆదివారం మధ్యాహ్నం విషాదం చోటుచేసుకుంది. జనగామ పట్టణానికి చెందిన మహమ్మద్ షహర్ అనే బాలుడు పండుగ సందర్భంగా అమ్మమ్మ ఇంటికి వచ్చి తాతతో కలిసి నీటి కుంటను చూసేందుకు వెళ్లి ప్రమాదవశాత్తు అందులో పడి మృతి చెందాడు. దీంతో కుటుంబంలో పండుగ పూట విషాదఛాయలు నెలకొన్నాయి. స్థానిక ఎస్ఐ భరత్ కేసు నమోదు చేసి దర్యాప్తు చేపడుతున్నారని తెలిసింది.

18-10-2026 | 06:40pm

తరిగొప్పులలో రోడ్డు ఆక్రమణల తొలగింపు

తరిగొప్పుల అక్టోబర్ 16 (విజయక్రాంతి):జనగామ జిల్లా తరిగొప్పుల మండల కేంద్రంలో రోడ్డును ఆక్రమించి నిర్మించిన అక్రమ నిర్మాణాలను అధికారులు శుక్రవారం తొలగించారు. మండల కేంద్రంలో ట్రాఫిక్ కు అంతరాయం కలుగుతుందనే ఫిర్యాదులతో రెవెన్యూ, పంచాయతీ అధికారులు సంయుక్తంగా JCB సహాయంతో ఆక్రమణలను తొలగించారు. రోడ్డు ఆక్రమిస్తే కఠిన చర్యలు తీసుకుంటామని అధికారులు హెచ్చరించారు.

16-10-2026 | 04:58pm

లారీ - బైక్ ఢీ..

జనగామ, అక్టోబర్ 16 (విజయక్రాంతి): రఘునాథపల్లి హైదరాబాద్ - వరంగల్ జాతీయ రహదారిపై రఘునాథపల్లి మండలం నిడిగొండ సమీపంలో శుక్రవారం మధ్యాహ్నం రోడ్డు ప్రమాదం జరిగింది. వేగంగా వెళ్తున్న బైక్ అదుపుతప్పి ముందు వెళ్తున్న లారీని ఢీకొనడంతో బైక్ పై వెళ్తున్న యువకుడికి తీవ్ర గాయాలయ్యాయి. స్థానికులు గమనించి 108 కు సమాచారం అందించారు. క్షతగాత్రుడిని చికిత్స నిమిత్తం ఆసుపత్రికి తరలించారు. పూర్తి వివరాలు తెలియాల్సి ఉంది.

16-10-2026 | 03:15pm

హీరో బ్రహ్మాజీకి త్రైత సిద్ధాంత భగవద్గీత అందజేత

జనగామ, అక్టోబర్ 13 (విజయక్రాంతి): జనగామ జిల్లా బచ్చన్నపేట మండలంలో సినిమా షూటింగ్ కు వచ్చిన ప్రముఖ సినీ నటుడు హీరో బ్రహ్మాజీకి ప్రబోధ సేవా సమితి జనగామ కమిటీ ఆధ్వర్యంలో త్రైత సిద్ధాంత భగవద్గీత గ్రంథాన్ని అందజేశారు. త్రైత సిద్ధాంత ఆదికర్త శ్రీశ్రీశ్రీ ఆచార్య ప్రబోధానంద యోగీశ్వరుల ఆశీస్సులతో కమిటీ సభ్యులు కొన్నే ఉపేందర్, కొన్నే అమృత శ్రీ ఈ గ్రంథాన్ని అందజేశారు.

13-10-2026 | 06:10pm

ఫార్మ్ పాండ్స్ తో రైతులకు మేలు

జనగామ: ఫార్మ్ పాండ్స్ నిర్మాణంతో రైతులకు ఎంతో ప్రయోజనం చేకూరుతుందని జిల్లా కలెక్టర్ సందీప్ కుమార్ ఝా అన్నారు. మంగళవారం ఘన్ పూర్ (స్టేషన్) మండలం రంగరాయగూడెం గ్రామంలో వీబీజీ రామ్ జీ పథకం కింద చేపట్టిన ఫార్మ్ పాండ్స్ పనులను కలెక్టర్ తనిఖీ చేశారు. ఈ సందర్భంగా రైతు ఎల్లగౌడ్ తో మాట్లాడి ప్రయోజనాలను అడిగి తెలుసుకున్నారు. బోరులో నీరు పెరిగిందని, వరి పంట సాగు చేస్తున్నానని రైతు తెలిపారు. నిబంధనల ప్రకారం నిర్మాణం చేపట్టాలని అధికారులకు సూచించారు. ఈ కార్యక్రమంలో డీఆర్డీఓ భాస్కర్, అదనపు డీఆర్డీఓ పి.సూరి, ఎంపీడీవో విజయశ్రీ పాల్గొన్నారు.

13-10-2026 | 04:50pm

బుగులు వెంకటేశ్వర స్వామికి అష్టదళ పాద పద్మారాధన

జనగామ, అక్టోబర్ 13 (విజయక్రాంతి): చిల్పూరు గుట్టపై కొలువైన శ్రీ బుగులు వెంకటేశ్వర స్వామి దేవాలయంలో మంగళవారం అష్టదళ పాద పద్మారాధన పూజను అంగరంగ వైభవంగా నిర్వహించారు. ఆలయ అర్చకులు బంగారు పద్మాలతో స్వామివారికి ప్రత్యేక పూజలు చేశారు. దేవాలయ చైర్మన్ పొట్లపల్లి శ్రీధర్ రావు, కిరణ్మయి దంపతులు 516 రూపాయలు చెల్లించి పూజలో పాల్గొన్నారు.

13-10-2026 | 03:12pm

ఎల్ నినోతో అప్రమత్తంగా ఉండాలి

తరిగొప్పుల: రాష్ట్ర ముఖ్యమంత్రి రేవంత్ రెడ్డి ఎల్ నినో ప్రభావంపై రైతులకు ఇచ్చిన సందేశాన్ని సోమవారం తరిగొప్పుల మండలం అబ్దుల్ నాగారం గ్రామ రైతు వేదికలో ప్రత్యక్ష ప్రసారం ద్వారా రైతులు వీక్షించారు. ఈ కార్యక్రమంలో ఎంపీడీవో శంకర్ నాయక్, ఏఈఓ వినయ్ కుమార్ పాల్గొని ఎల్ నినో ప్రభావం, తీసుకోవాల్సిన జాగ్రత్తలపై రైతులకు అవగాహన కల్పించారు. వాతావరణ మార్పుల నేపథ్యంలో ప్రత్యామ్నాయ పంటల సాగు, నీటి పొదుపు పాటించాలని సూచించారు.

12-10-2026 | 09:58pm

శాంతిభద్రతలే లక్ష్యం

జనగామ: రఘునాథపల్లి పోలీస్ స్టేషన్ సబ్ ఇన్‌స్పెక్టర్‌గా ఎం. భరత్ సోమవారం బాధ్యతలు స్వీకరించారు. గతంలో జనగామలో విధులు నిర్వహించిన ఆయన, నరేష్ యాదవ్ బదిలీతో రఘునాథపల్లికి వచ్చారు. మండలంలో శాంతిభద్రతల పరిరక్షణకు కృషి చేస్తానని, ప్రజలకు అందుబాటులో ఉంటానని, చట్ట వ్యతిరేక కార్యకలాపాలపై కఠిన చర్యలు తీసుకుంటానని ఎస్ఐ భరత్ ఈ సందర్భంగా వెల్లడించారు.

12-10-2026 | 09:35pm

చిన్న వ్యాపారుల ఉసురు తీయొద్దు

జనగామ: స్ట్రీట్ వెండర్లను వేరే ప్రాంతానికి తరలించే ప్రయత్నాన్ని విరమించుకోవాలని, వేధింపులు ఆపాలని సీఐటీయూ జిల్లా కార్యదర్శి సుంచు విజేందర్ డిమాండ్ చేశారు. 2014 చట్టం ప్రకారం హాకర్స్ జోన్లు ఏర్పాటు చేసి గుర్తింపు కార్డులు, రుణ సౌకర్యం కల్పించాలని, టౌన్ వెండింగ్ కమిటీ ఏర్పాటు చేసి సర్వే చేసిన తర్వాతే తరలింపుపై నిర్ణయం తీసుకోవాలని ఆయన మున్సిపల్ కమిషనర్ కు వినతి పత్రం అందించారు. ప్రధాన రహదారులపై భారీ వాహనాల వల్లే ట్రాఫిక్ సమస్య వస్తుందని, 500 మంది చిరు వ్యాపారుల జీవనోపాధిని దెబ్బతీయవద్దని కోరారు.

12-10-2026 | 05:48pm