నేపాల్‌లో దొరకని 5వేల మంది

వరదలొచ్చి.. 14 రోజులైనా.. తెలియని ఆచూకీ

1,357కు చేరిన మృతుల సంఖ్య 

కొనసాగుతున్న రెస్క్యూ బృందాల సెర్చింగ్

ఢాకా, సెప్టెంబర్ 8: నేపాల్(Nepal) వరదలతో సొరంగాల్లో చిక్కుకున్న వారి కోసం గాలింపు చర్యలు కొనసాగుతున్నాయి. మంగళవారం 14వ రోజు కూడా సెర్చ్ ఆపరేషన్‌ను సహాయక బృందాలు కొనసాగించాయి. ఇప్పటివరకు 1,357 మంది మృతి చెందగా, 13వేలమందికి పైగా సురక్షితంగా రక్షించారు. ఇంకా 5వేలమంది గల్లంతయ్యారు. ఇందులో 587 మంది విదేశీయులున్నారు. గల్లంతైన వారిపై ఇక ఆశలు వదులుకోవాల్సిందేననే అభిప్రాయాలు వినబడుతున్నాయి. ఏడు వేర్వేరు జల విద్యుత్ ప్రాజెక్టుల వద్ద సొరంగాలలో చిక్కుకున్న వారిని రక్షించేందుకు నేపాల్, భారత్ రెస్కూ బృందాలు(Rescue teams) తీవ్రంగా ప్రయత్నిస్తున్నాయి.

చిలిమే జలవిద్యుత్ ప్రాజెక్టు(Chilime Hydroelectric Project)లో చిక్కుకుపోయిన ఆరుగురిని రక్షించేందుకు భారత్, నేపాల్ 35 మంది సభ్యుల బృందం తీవ్రంగా ప్రయత్నిస్తోంది. సొరంగం పొడవు మొత్తం 250 మీటర్లుండగా, 130 మీటర్ల దూరం సహాయక బృందాలు చేరుకున్నాయి. లాంగ్టాంగ్ జల విద్యుత్ ఫ్రాజెక్టు, అప్పర్ త్రిశూలి, మెలుంగ్ ఖోలా, త్రిశూలి 3ఏ, త్రిశూలి 3బీ ప్రాజెక్టులలో సహాయక చర్యలను కొనసాగిస్తున్నారు. మరోవైపు గ్రీన్‌హౌస్ వాయు ఉద్ఘారాలకు కారణమవుతున్న దేశాలు నేపాల్‌కు నష్టపరిహారం, పునర్నిర్మాణానికి రూ.189 కోట్లు చెల్లించాలని ఐక్యరాజ్యసమితిని విదేశాంగ మంత్రి శిశిర్ ఖనాల్ కోరారు. కాగా గల్లంతైన భారతీయుల బంధువుల నుంచి డీఎన్‌ఏ నమూనాలను బీజింగ్‌లోని భారత రాయబార కార్యాలయం అందజేయాలని తెలిపింది.