అన్నపూర్ణ సేవా సమితి ఆధ్వర్యంలో అన్నదానంకు స్పందన

సుల్తానాబాద్,(విజయక్రాంతి): పెద్దపల్లి జిల్లా సుల్తానాబాద్ పట్టణంలోని శ్రీ సంతాన వేణుగోపాలస్వామి దేవాలయ ఆవరణలో శ్రీ అన్నపూర్ణ సేవా సమితి వారి ఆధ్వర్యంలో ప్రతి నెల అమావాస్య రోజున కరీంనగర్, చొప్పదండి, సుల్తానాబాద్ వారి ఆధ్వర్యం లో నిర్వహిస్తున్న ఆరవ నెల అన్నదాన కార్యక్రమానికి ఆదివారం అపూర్వ స్పందన లభించింది. ఈ అన్నప్రసాద వితరణ కార్యక్రమంలో పట్టణంలోని ప్రజలు పెద్ద ఎత్తున పాల్గొన్నారు.

ప్రతి నెల అమావాస్య రోజున ఈ అన్నదాన కార్యక్రమం నిర్వహిస్తున్నారు. ఈ సందర్భంగా సేవాసమితి వారు మాట్లాడుతూ అన్ని దానాల కన్నా అన్నదానం మిన్న అని, ఆకలితో ఉన్న పేదలకు అన్నదానం చేయడంలో ఎంతో సంతోషంగా ఉంటుందని వారన్నారు, అన్నదానం కు మించిన దానం మరొకటి లేదన్నారు... ఈ అన్నదాన కార్యక్రమాన్ని నిర్వహిస్తున్న అన్నపూర్ణ సేవా సమితి నిర్వాహకులను పలువురు అభినందించారు...