భూపాలపల్లిలో రోడ్డు ప్రమాదం: ఇద్దరు యువకులు మృతి

రాంపూర్: జయశంకర్ భూపాలపల్లి జిల్లాలోని రాంపూర్- కమలాపూర్ గ్రామ శివారులో సోమవారం తెల్లవారుజామున ద్విచక్రవాహనాన్ని ఎదురుగా వస్తున్న కారు ఢీకొనడంతో ఇద్దరు యువకులు మృతి చెందగా, మరొకరికి తీవ్ర గాయాలయ్యాయి. మృతులను ఆర్ నరేష్ (30), ఆర్ ప్రమోద్ (25)గా గుర్తించారు. పోలీసుల కథనం ప్రకారం, నరేష్, ప్రమోద్, సిద్ధూ తమ ద్విచక్ర వాహనంపై రాంపూర్ గ్రామానికి వెళ్తుండగా ఎదురుగా వస్తున్న కారు ఢీకొట్టింది. నరేష్ అక్కడికక్కడే మృతి చెందగా, ప్రమోద్ ఆస్పత్రికి తరలిస్తుండగా మృతి చెందాడు. తీవ్రంగా గాయపడిన సిద్ధూ హన్మకొండలోని ఆస్పత్రిలో చికిత్స పొందుతున్నాడు. ద్విచక్రవాహనాన్ని ఢీకొట్టిన కారులో ప్రయాణిస్తున్న వ్యక్తి మద్యం మత్తులో ఉన్నట్లు స్థానికులు తెలిపారు. ఈ ఘటనపై కేసు నమోదు చేసుకున్న పోలీసులు మృతదేహాలను శవపరీక్ష నిమిత్తం మార్చురీకి తరలించారు. అనంతరం దర్యాప్తు చేస్తున్నారు.