రోడ్డు ప్రమాదంలో ఒకరి మృతి.. మరోకరికి తీవ్ర గాయాలు

కోదాడ,(విజయక్రాంతి): కోదాడ మండలం చిమిర్యాల వద్ద 65వ నెంబర్ జాతీయ రహదారిపై బుధవారం రోడ్డు ప్రమాదం జరిగింది. ఈ ప్రమాదంలో ఒకరు మృతి చెందగా, మరోకరి గాయాలయ్యాయి. వివరాలోకి వెళితే... సూర్యాపేట జిల్లా, అనంతగిరి మండలం గోండ్రియాల గ్రామానికి చెందిన తాళ్లూరి శేషయ్య(62), ముదిగొండ చెందిన పిల్లుట్ల జయమ్మ (54) రోడ్డు పక్కన నిల్చున్నారు.

హైదరాబాద్ నుంచి విజయవాడ వెళ్తున్న మహేంద్ర కారు (టీఎస్09జిఏ2142) అతి వేగంగా దూసుకు వచ్చి వీరి ఢీకొట్టింది. ఈ దుర్ఘటనలో తాళ్లూరి శేషయ్య అక్కడికక్కడే మృతి చెందగా, పిల్లుట్ల జయమ్మకు తీవ్ర గాయాలయ్యాయి. అది గమనించిన స్థానికులు క్షతగాత్రురాలిని  చికిత్స నిమిత్తం ఆస్పత్రికి తరలించారు. సమాచారం అందుకున్న పోలీసులు ఘటన స్థలానికి చేరుకుని మృతదేహాన్ని స్వాధీనం చేసుకుని శవ పరీక్ష నిమిత్తం మార్చురికి తరలించారు. పూర్తి వివరాలు తెలియాల్సి ఉంది.