నూతనకల్, నవంబర్ 28:గ్రామ పంచాయతీ ఎన్నికల నామినేషన్ స్వీకరణలో అధికారులు నిబంధనలు పాటించాలని గ్రామపంచాయతీ ఎన్నికల పరిశీలకులు జి.రవి అన్నారు శుక్రవారం నూతనకల్ ఎర్రబాడు నామినేషన్ స్వీకరణ కేంద్రాలను పరిశీలించారు.ఈ సందర్భంగా ఆయన మాట్లాడుతూ నామినేషన్ స్వీకరణకు కేంద్రానికి అభ్యర్థి తో పాటు మరో ఇద్దరికి మాత్రమే అనుమతించాలన్నారు. నామినేషన్ ప్రక్రియ లో అభ్యర్థులకు సందేహాలు హెల్ప్ డెస్క్ సిబ్బంది నివృత్తి చేయాలన్నారు స్వీకరించిన నామినేషన్ పత్రాలను గ్రామాల వారిగా వేరువేరుగా భద్రపరచాలని సూచించారు. ఆయన వెంట ఎంపీడీవో సునీత,తహసిల్దార్ శ్రీనివాసరావు, రిటర్నింగ్ అధికారులు పంచాయతీ కార్యదర్శులు తదితరులు ఉన్నారు.