కొన్నిచోట్ల ఇంకా కొనసాగుతున్న నామినేషన్లు..

తాండూరు,(విజయక్రాంతి): వికారాబాద్ జిల్లా తాండూర్ నియోజకవర్గంలో సర్పంచ్ ఎన్నికల నామినేషన్ల ప్రక్రియ నేటితో ముగిసింది. పెద్దముల్ ,యాలాల ,బషీరాబాద్, తాండూర్ మండలాల్లో  కాంగ్రెస్, టిఆర్ఎస్, బిజెపి పార్టీలు బలపరిచిన అభ్యర్థులతో పాటు స్వతంత్ర అభ్యర్థులు సైతం భారీగా నామినేషన్లు వేశారు. ఎమ్మెల్యే మనోహర్ రెడ్డి, మాజీ ఎమ్మెల్యే పైలెట్ రోహిత్ రెడ్డి ఆయా పార్టీల అభ్యర్థులు చేసిన నామినేషన్ కార్యక్రమంలో అభ్యర్థులతో కలిసి వచ్చారు. పెద్దముల్ మండలం కందర్ నెల్లి తాండ గ్రామపంచాయతీకి యాడి బాపూగడ్ ఆలయ ధర్మకర్త, సద్గురు సంత్ సేవాలాల్ విజ్ఞాన కేంద్రం నిర్వాహకురాలు రమావత్ శాంతాదేవి సర్పంచ్ పదవికి నామినేషన్ వేశారు. ఇదే మండలంలోని తట్టేపల్లి గ్రామపంచాయతీ జనరల్ రిజర్వేషన్  కాగా ఇప్పటికే దాదాపు 60 మంది నామినేషన్ వేయగా  ఇంకా క్యూలో ఉన్నవారికి  నామినేషన్ల ప్రక్రియ కొనసాగుతోంది. ఇదే మండలంలోని దుర్గాపూర్ మరియు సిద్దన్నమడుగు తాండ గ్రామపంచాయతీలకు ఓకే నామినేషన్ రావడంతో అక్కడ సర్పంచ్ పదవి దాదాపు ఏకగ్రీవం అయ్యే అవకాశం ఉంది.