30-11-2025 08:28:18 PM
-తొలి రోజు సర్పంచ్ 33 వార్డు 42 దరఖాస్తులు
-నామినేషన్ల ప్రక్రియను పరిశీలించిన పీడీ డీఆర్డీఏ
బెజ్జంకి: తెలంగాణలోని పంచాయతీ ఎన్నికలకు సంబంధించిన రెండవ విడుత నామినేషన్ల ప్రక్రియ సిద్దిపేట జిల్లా బెజ్జంకి మండలములో అధికారులు ఆరు క్లాష్టర్ లలో అన్ని ఏర్పాట్లు పూర్తి చేయగా ఆదివారం ఉదయం నుంచి నామినేషన్ల స్వీకరణ సాయంత్రం 5 గంటల వరకు కొనసాగింది. తొలిరోజు మండలంలోని 24 గ్రామ పంచాయితీ లకు గాను సర్పంచ్ పదవికి 33 వార్డు సభ్యులు పదవికి 42 దరఖాస్తులు స్వీకరించినట్టు ఎంపిడిఓ కడవెర్గు ప్రవీణ్ తెలిపారు.
నామినేషన్ల ప్రక్రియను పరిశీలించిన పీడీ డీఆర్డీఏ
బెజ్జంకి మండలంలోని దాచారం– బెజ్జంకి క్రాసింగ్ క్లస్టర్లలో గ్రామపంచాయతీ ఎన్నికల నామినేషన్ల స్వీకరణ ప్రక్రియను పీడీ డీఆర్డీఏ జయదేవ్ ఆర్య ఆదివారం సమీక్షించారు. నామినేషన్ కేంద్రాల్లో ఏర్పాట్లు, సిబ్బంది విధుల నిర్వహణను పీడీ సమీక్షించారు. వారితో పాటు బెజ్జంకి ఎంపీడీవో ప్రవీణ్ ఉన్నారు.