calender_icon.png 30 November, 2025 | 11:55 AM

  • top-fb.png
  • top-tw.png
  • top-insta.png
  • top-yt.png

లారీ-ట్రావెల్స్ బస్సు ఢీ: ఇద్దరు మృతి

30-11-2025 10:37:47 AM

హైదరాబాద్: ఆదిలాబాద్ జిల్లా నేరడిగొండలో ఘోర రోడ్డు ప్రమాదం జరిగింది. ఆదివారం తెల్లవారు జామున నేరడిగొండ మండలం భోథ్ క్రాస్ రోడ్డు దగ్గర హైవేపై హైదరాబాద్ నుంచి ఉత్తరప్రదేశ్ లోని గోరఖ్ పూర్ కు వెళ్తున్న ప్రవేట్ ట్రావెల్స్ బస్సు ఆగి ఉన్న  లారీ వెనుక నుంచి ఢీకొట్టింది. ఈ ప్రమాదంలో ఇద్దరు ప్రయాణీకులు అక్కడికక్కడే మృతి చెందగా, మరో ముగ్గురు తీవ్రంగా గాయపడ్డారు. సమాచారం అందుకున్న పోలీసులు సంఘటనా స్థలికి చేరుకుని సహాయ చర్యలు చేపట్టారు. గాయపడిన క్షతగాత్రులను స్థానిక ఆసుపత్రికి తరలించారు. అనంతరం మృతదేహాలను స్వాధీనం చేసుకుని శవపరీక్ష నిమిత్తం మార్చురీకి తరలించారు. ప్రమాదం సమయంలో బస్సులో మొత్తం 60 మంది ఉన్నట్లు సమాచారం. ఈ మేరకు కేసు నమోదు చేసుకొని దర్యాప్తు చేస్తున్నట్లు పోలీసులు పేర్కొన్నారు.