తెలంగాణ భద్రతా సలహాదారుడిగా శివధర్‌ రెడ్డి నియామకం

హైదరాబాద్: పదవీ విరమణ చేసిన డైరెక్టర్ జనరల్ ఆఫ్ పోలీస్ (DGP) బి. శివధర్ రెడ్డిని(Shivadhar Reddy) రాష్ట్ర భద్రతా సలహాదారుగా (Telangana Security Advisor) తెలంగాణ ప్రభుత్వం నియమించింది. పోలీస్ వ్యవహారాలు, శాంతిభద్రతలు, అంతర్గత భద్రత, నేర నియంత్రణ, మాదకద్రవ్యాల నియంత్రణ, రహదారి భద్రతకు సంబంధించిన అంశాలపై ప్రభుత్వానికి సలహాలు ఇవ్వడం శివధర్  బాధ్యత. రాష్ట్ర ప్రధాన కార్యదర్శి కె. రామకృష్ణారావు ఈ మేరకు ఉత్తర్వులు జారీ చేశారు.  గురువారం నాడు సుదర్శన కవాతు మైదానంలో, డైరెక్టర్ జనరల్ ఆఫ్ పోలీస్ బి. శివధర్ రెడ్డికి తెలంగాణ పోలీసులు ఘన వీడ్కోలు పలికారు. మీడియా ప్రతినిధులతో శివధర్ మాట్లాడుతూ.. "ఈ రోజు నేను పదవీ విరమణ చేశాను. దీనిలో భాగంగా ఒక వీడ్కోలు పరేడ్ ఏర్పాటు చేయబడింది. తెలంగాణ పోలీసు దళానికి నాయకత్వం వహించడం నాకు ఎంతో గొప్ప గౌరవం" అని పేర్కొన్నారు.