కాన్‌బెర్రా: ఆస్ట్రేలియాలో 16 ఏళ్ల కన్నా తక్కువ వయసున్న వారు సోషల్ మీడియాను వాడకుండా నిషేధిస్తూ చట్టం అమలు చేసేందుకు ప్రభుత్వం సిద్ధమైంది. డిసెంబర్ 10 నుంచి ఈ చట్టాన్ని అమలు చేయనున్నట్లు తెలిపింది. దీంతో ఎంతో మంది టీనేజర్ల సామాజిక మాధ్యమాల ఖాతాలు ప్రభావితం కానున్నాయి. ఈ చట్టం అమలు చేస్తే  ఫేస్ బుక్, ఇస్టా గ్రామ్, థ్రెడ్, ఎక్స్, స్నాప్ చాట్ వంటి సామాజిక మాధ్యమాలను16 ఏళ్ల లోపు బాలలు వినియోగించలేరు. తప్పుడు ఐడీలు, ఐడీ ఆధారిత ఫోటోలు అప్లోడ్ చేస్తే చర్యలు తప్పవని ప్రభుత్వం హెచ్చరించింది. చిన్నారుల ఖాతాలను తొలగించే బాధ్యత టెక్ దిగ్గజాలదేనని ఆదేశించింది. చిన్నారుల ఖాతాలను గుర్తిస్తే ఆయా సంస్థలకు రూ. 280 కోట్ల భారీ జరిమానా విధిస్తామని ఆస్ట్రేలియా ప్రభుత్వం(Australian Government) హెచ్చరించింది. ప్రభుత్వ నిర్ణయాన్ని సవాల్ చేస్తూ న్యాయస్థానాన్ని ఆశ్రయించారు. ఈ చట్టాన్ని ఎలా అమలు  చేస్తారన్న దానిపై సర్వత్ర ఆసక్తి నెలకొంది.