గ్రీన్ ల్యాండ్ లెక్క తేల్చండి!

మున్సిపల్ అధికారులకు ఎమ్మెల్యే అల్టిమేటమ్ 

మహబూబాబాద్, జూన్ 9 (విజయ క్రాంతి): మహబూబాబాద్ పట్టణంలో గత ప్రభుత్వంలో గ్రీన్ లాండ్, ప్రభుత్వ భూముల్లో ఇండ్ల నిర్మాణానికి అనుమతులు ఇచ్చిన విషయంపై సమగ్ర విచారణ జరిపి నివేదిక అందజేయాలని మహబూబాబాద్ ఎమ్మెల్యే డాక్టర్ భూక్యా మురళి నాయక్ అధికారులకు అల్టిమేటమ్ జారీ చేశారు.

ప్రజల అవసరాల కోసం వినియోగించాల్సిన స్థలాన్ని ప్రైవేటు వ్యక్తులు ఆక్రమించుకొని ఇండ్లు నిర్మించుకోవడం, వాటిని అడ్డుకోవాల్సిన అధికారులు అనుమతులు ఇవ్వడం, ఉదాసీనంగా వ్యవహరించడం సరైనది కాదని, వెంటనే ఈ వ్యవహారంపై వివరణ ఇవ్వాలని అధికారులను ఆదేశించారు.