నిజాం రజాకార్లకు వ్యతిరేకంగా పోరాటం చేసిన వీరవనిత చాకలి ఐలమ్మ

కామారెడ్డి,(విజయక్రాంతి): నిజాం రజాకార్లకు వ్యతిరేకంగా పోరాటం చేసిన గొప్ప వీరవనిత చాకలి ఐలమ్మ అని జిల్లా ఎస్పీ సింధు శర్మ అన్నారు. గురువారం చాకలి ఐలమ్మ జయంతిని పురస్కరించుకొని ఎస్పీ కార్యాలయంలో చాకలి ఐలమ్మ చిత్రపటానికి పూలమాలవేసి నివాళులర్పించారు. ఈ సందర్భంగా ఆమె మాట్లాడారు. సాయుధ పోరాట కాలంలోనే తన అక్కుల సాధన కోసం చట్టం పరిధిలో కోర్టుల్లో న్యాయం కోసం కొట్లాడిన గొప్ప ప్రజాస్వామిక వాది చిట్యాల ఐలమ్మ అన్నారు.

తెలంగాణ సాయుధ పోరాటంలో ఉవ్వెత్తున ఎగిసే ఉద్యమానికి ఊపిరి పోసి తన ప్రాణాలను త్యాగం చేసి ఉద్యమ స్ఫూర్తి నింపిన వీర వనిత చాకలి ఐలమ్మ అని అన్నారు. తెలంగాణ స్వాతంత్ర ఉద్యమ సమరయోధులను స్మరించుకోవడం మన అందరి బాధ్యత అని వారి ఆశయాలను ప్రతి ఒక్కరు కొనసాగించాలన్నారు. ఈ కార్యక్రమంలో అడిషనల్ ఎస్పీ నర్సింహారెడ్డి ఏ.ఆర్.డి.ఎస్.పి యాకూబ్ రెడ్డి రిజర్వ్ ఇన్స్పెక్టర్ నవీన్ కుమార్ ఎస్ బి ఇన్స్పెక్టర్ జార్జ్ ఆర్ఎస్ఐలు డిపిఓ కార్యాలయ పోలీస్ సిబ్బంది పాల్గొన్నారు.