ఘట్ కేసర్ (విజయక్రాంతి): ఆర్థిక సమస్యలతో ఓ వ్యక్తి జీవితంపై విరక్తి చెంది ఆత్మహత్యాయత్నం చేసి చికిత్స పొందుతూ మృతిచెందిన సంఘటన ఘట్ కేసర్ పోలీస్ స్టేషన్ పరిధిలో చోటుచేసుకుంది. పోలీసులు తెలిపిన వివరాల ప్రకారం ఘట్ కేసర్ బాలాజీనగర్ కి చెందిన దాణాల సంతోష్(40) పెయింటర్‌గా పనిచేస్తున్నాడు. ఆర్థిక సమస్యల కారణంగా అతను మద్యానికి బానిసయ్యాడు. ఈనెల 28న రాత్రి సుమారు 8:30 గంటలకు మద్యం సేవించిన తర్వాత అతను ఇంటి ముందు యాసిడ్ తాగి ఆత్మహత్య ప్రయత్నం చేసినాడు. వెంటనే అతని భార్య భవాని, సంతోష్ ను చికిత్స నిమిత్తం ఘట్ కేసర్ ప్రభుత్వ ఆసుపత్రికి తరలించారు. తరువాత మెరుగైన చికిత్స కోసం నగరంలోని గాంధీ ఆసుపత్రికి తరలించగా అతను 29న శనివారం తెల్లవారు జామున 3:30 గంటలకు చికిత్స పొందుతూ మృతి చెందినట్లు, భార్య ఫిర్యాదు మేరకు కేసు నమోదు చేసుకొని దర్యాప్తు జరుపుతున్నట్లు పోలీసులు తెలిపారు.