మోతే (విజయక్రాంతి): మండల కేంద్రంలోని గ్రామ పంచాయతీలో ఏర్పాటు చేసిన నామినేషన్ కేంద్రంను మండల ఎన్నికల అధికారి తిప్పని ఆంజనేయులు పరిశీలించారు. అనంతరం ఆయన మాట్లాడుతూ.. రాష్ట్ర ఎన్నికల నియామవలి ప్రకారం రెండవ దఫా ఎన్నికల ప్రక్రియ ఆదివారం ఉదయం 10:30 గంటలకు నామినేషన్ మొదలు అవుతుందని సాయంత్రం 5 గంటల వరకు కొనసాగుతుందని నామినేషన్ ప్రక్రియ డిసెంబర్ 2వ తేదీ వరకు నిర్వహించడం జరుగుతుందని చెప్పారు. ఎన్నికలలో పాల్గొనే అభ్యర్థులు నామినేషన్ కు కావాల్సిన ప్రతి పత్రం సమర్పించాలని సర్పంచ్ జనరల్ అభ్యర్థులు 2 వేల రూపాయలు ఎస్సి, ఎస్టీ, అభ్యర్థులు వెయ్యి రూపాయలు వార్డు సభ్యులు 250 రూపాయలు నామినేషన్ రుసుము చెల్లించాలని తెలిపారు. ఈ కార్యక్రమంలో తహసీల్దార్ యం. వెంకన్న, గ్రామ కార్యదర్శి సంపత్, తదితరులు పాల్గొన్నారు.