ఆత్మాహుతి బాంబు దాడి: 18 మంది మృతి

అబుజా:  నైజీరియాలో, ఈశాన్య రాష్ట్రమైన బోర్నోలో నిన్న జరిగిన ఆత్మాహుతి బాంబు దాడిలో కనీసం 18 మంది మరణించారు. మరో 42 మంది గాయపడ్డారు. పోలీసులు తెలిపిన వివరాల ప్రకారం, అనుమానాస్పద బాంబర్ రద్దీగా ఉండే మోటార్ పార్క్ వద్ద పేలుడు పరికరాన్ని పేల్చాడు. క్షతగాత్రులను రక్షించి చికిత్స నిమిత్తం సమీపంలోని ఆసుపత్రికి తరలించారు. మర్రాబన్ గ్వోజా పట్టణంలోని మోటార్ పార్క్ సమీపంలో జరిగిన వివాహ వేడుకను లక్ష్యంగా చేసుకుని బాంబు దాడి చేసినట్లు బోర్నో పోలీస్ చీఫ్ యూసుఫ్ లావల్ తెలిపారు. ఘటనపై దర్యాప్తు చేస్తున్న సమయంలో పోలీసులు ఆ ప్రాంతాన్ని చుట్టుముట్టేందుకు సాయుధ సిబ్బందిని మోహరించినట్లు ఆయన తెలిపారు. బాంబు దాడికి ఇప్పటి వరకు ఏ గ్రూపు బాధ్యత వహించలేదని బోర్నో పోలీస్ చీఫ్ పేర్కొన్నారు,