ప్రభుత్వ పథకాలను వినియోగించుకోండి

ఎమ్మెల్యే ముఠా గోపాల్

ముషీరాబాద్, ఫిబ్రవరి 7 (విజయక్రాంతి): ప్రభుత్వం అందించే అభివృద్ధి సంక్షేమ కార్యక్రమాలను ప్రతి ఒక్కరూ సద్వినియోగం చేసుకోవాలని ముషీరాబాద్ ఎమ్మెల్యే ముఠా గోపాల్ సూచించారు. ఈ మేరకు శవారం లోయర్ ట్యాంక్ బండ్ లోని ముషీరాబాద్ తహసీల్దార్ కార్యాలయ పరిధిలో అర్హులైన124మంది లబ్దిదారులకు కల్యాణలక్ష్మి, షాది ముబారక్ చెక్కులను ముషీరాబాద్ ఎమ్మెల్యే ముఠా గోపాల్, ముషీరాబాద్ తహసీల్దార్ రాణా ప్రతాప్ సింగ్ తో కలిసి అందజేశారు. ఈ సందర్బంగా ముఠా గోపాల్ మాట్లాడుతూ గత బీఆర్‌ఎస్ ప్రభుత్వ హాయంలో పేద ఆడబిడ్డల పెళ్లిల్ల కోసం కేసీఆర్ కల్యాణలక్ష్మి, షాది ముబారక్ పథకాన్ని ప్రారంభించి పేద ఆడ బిడ్డలకు అండగా నిలిచారన్నారు.

అర్హులైన లబ్దిదారులు ఈ పథకానికి దరఖాస్తులు చేసుకున్నట్లయితే చెక్కులు రావడానికి తనవంతు కృషి చేస్తానని ఆయన హామి ఇచ్చారు. ఈ కార్యక్రమంలో పాలన అధికారి సౌజన్య, రాష్ట్ర యూత్ కాంగ్రెస్ ప్రదాన కార్యదర్శి ఎం. ఆరవింద్ కుమార్ యాదవ్, బీఆర్‌ఎస్ రాష్ట్ర యువజన నాయకులు ముఠా జైసింహ, బీఆర్‌ఎస్ డివిజన్ అధ్యక్షుడు వల్లాల శ్యామ్యాదవ్, కాంగ్రెస్ పార్టీ అధ్యక్షుడు పోతరాజు భాస్కర్, విడి కృష్ణ, ప్రభాకర్, బీఆర్‌ఎస్ నేతలు శ్రీనివాస్ యా దవ్, రాజశేఖర్ గౌడ్, కొండా శ్రీధర్‌రెడ్డి, టి. సోమన్, వై.  శ్రీనివాస రావు శ్రీధర్ చారి, ముఠా నరేష్, మారిశెట్టి నర్సింగ్ రావు, జమాలొద్దీన్ తదితరులు పాల్గొన్నారు.