సాయంత్రం మంత్రి దామోదరతో జూడాల సమావేశం

హైదరాబాద్: ఉస్మానియా ఆసుపత్రిలో కాకుండా తెలంగాణవ్యాప్తంగా ప్రభుత్వ ఆసుపత్రుల్లో పనిచేస్తున్న జూనియర్ డాక్టర్లు బుధవారం నాడు చేపట్టిన నిరవధిక సమ్మెను తాత్కాలికంగా విరమించారు. మంగళవారం అర్థరాత్రి మెడికల్ ఎడ్యుకేషన్ డైరెక్టర్, ఆరోగ్య శాఖ అధికారులతో జరిగిన చర్చల అనంతరం తెలంగాణ జూనియర్ డాక్టర్స్ అసోసియేషన్ (టీ-జూడా) సమ్మెను ప్రస్తుతానికి విరమించాలని నిర్ణయించింది. తమ డిమాండ్లను అంగీకరిస్తూ ప్రభుత్వం ఉత్తర్వులు జారీ చేసే వరకు బుధవారం సాయంత్రం వరకు వేచి చూస్తామని టీ-జూడా నాయకులు తెలిపారు. ప్రభుత్వం జిఒ జారీ చేయకపోతే గురువారం నుంచి సమ్మెను ఉధృతం చేస్తామని హెచ్చరించారు. ఇవాళ మరోసారి జూనియర్‌ డాక్టర్లతో ప్రభుత్వం చర్చలు జరపనుంది. సాయంత్రం 4.30 గంటలకు మంత్రి దామోదరతో జూడాల సమావేశం కానున్నారు. ఇప్పటికే జూడాల పలు డిమాండ్లకు తెలంగాణ సర్కార్ ఆమోదం తెలిపింది. జూడాల తీరుపై తెలంగాణ ప్రభుత్వం అసంతృప్తి వ్యక్తం చేసింది. ఏడాదికి సరిపడా స్టైఫెండ్‌ను ముందే ఇచ్చినా సమ్మెకు వెళ్లడంపై అసహనం తెలిపింది.