విచారణలో పడిపోయిన కేజ్రీవాల్‌ షుగర్‌ లెవల్స్‌

న్యూఢిల్లీ: ఎక్సైజ్ పాలసీ కేసులో ఢిల్లీ ముఖ్యమంత్రి అరవింద్ కేజ్రీవాల్‌ను సెంట్రల్ బ్యూరో ఆఫ్ ఇన్వెస్టిగేషన్ (సీబీఐ) బుధవారం అరెస్టు చేసింది. ఢిల్లీలోని రౌస్ అవెన్యూ కోర్టు కేజ్రీవాల్‌ను న్యాయస్థానంలో విచారించడానికి కేంద్ర ఏజెన్సీని అనుమతించిన వెంటనే అతన్ని అరెస్టు చేశారు. కేజ్రీవాల్‌ షుగర్‌ లెవల్స్‌ విచారణ సమయంలో పడిపోయాయి. దీంతో టీ, బిస్కెట్లు కావాలని కేజ్రీవాల్ కోరారు. సీబీఐ అధికారులు కోర్టు అనుమతితో మరో గదిలోకి తీసుకెళ్లారు. కేజ్రీవాల్‌ను ఐదు రోజుల కస్టడీ సీబీఐ కోరింది. సిబిఐ ప్రొడక్షన్ వారెంట్లు కోరడంతో ఢిల్లీ ముఖ్యమంత్రి అరవింద్ కేజ్రీవాల్‌ను వెకేషన్ జడ్జి అమితాబ్ రావత్, రూస్ అవెన్యూ కోర్టు ముందు హాజరుపరచనున్నారు. కేజ్రీవాల్ ఎక్సైజ్ పాలసీలో మార్పులు చేసి అక్రమార్జనకు పాల్పడ్డారనే ఆరోపణలు ఉన్నాయి.