పొచ్చమ్మ ప్రతిష్టాపన ఆలయ మహోత్సవ ఉత్సవాలు

హోమం నిర్వహిస్తున్న ఆలయ నిర్వాహకులు,గౌడ సంఘం సభ్యులు

ఎల్లారెడ్డి,(విజయక్రాంతి): కామారెడ్డి జిల్లా ఎల్లారెడ్డి పట్టణ కేంద్రంలోని శ్రీ రేణుక ఎల్లమ్మ జమదగ్ని–చింతల పొచ్చమ్మ ప్రతిష్టాపన ఆలయ మహోత్సవ ఉత్సవాలు రెండో రోజు (శనివారం) కొనసాగుతున్నాయి. గణపతి హోమం, శాంతి హోమం, నిత్యపూజ, జపాహోమధులు సపరివార ఎల్లమ్మ తల్లి, చింతల పోచ్చమ్మ తల్లి మూల మంత్ర హవనములు, ప్రదోష పూజ వేద పండితుల ఆధ్వర్యంలో ప్రారంభం అయ్యాయి. ఈ పూజ కార్యక్రమంలో భక్తులు పెద్ద సంఖ్యలో పాల్గొన్నారు. మధ్యాహ్నం అన్నదానం కార్యక్రమం నిర్వహించనున్నట్లు నిర్వాహకులు తెలిపారు.