1. మానసిక స్థుర్యైమే మీ బలమని నిరూపించాలి
2. క్రీడల్లో రాణించి దేశానికి పేరు తేవాలి : కలెక్టర్ హరిచందన

హైదరాబాద్ సిటీ బ్యూరో, నవంబర్ 29 (విజయక్రాంతి) : ‘మేము ఎవరికీ తక్కువ కాదు. హమ్ కిసీ సే కమ్ నహీ..అనే ఆత్మవిశ్వాసంతో దివ్యాంగులు ముందుకు సాగాలి. మానసిక స్థుర్యైమే మీ బలమని నిరూపించాలి’ అని హైదరాబాద్ జిల్లా కలెక్టర్ హరి చందన దాసరి పిలుపునిచ్చారు. అంతర్జాతీయ దివ్యాంగుల దినోత్సవాన్ని పురస్కరిం చుకుని చాదర్‌ఘాట్ విక్టోరియా ప్లే గ్రౌండ్ లో జిల్లా స్థాయి దివ్యాంగుల క్రీడోత్సవాల ను ఆమె ప్రారంభించారు.

క్రీడా పతాకాన్ని ఆవిష్కరించి, క్రీడాకారుల నుంచి గౌరవ వం దనం స్వీకరించారు.ఈ సందర్భంగా కలెక్టర్ మాట్లాడుతూ.. శారీరక లోపం గెలుపునకు అడ్డంకి కాకూడదని అన్నారు. ప్రభుత్వం దివ్యాంగులకు అధిక ప్రాధాన్యత ఇస్తోందని, ప్రభుత్వ రంగాల్లో దివ్యాంగుల కోటాను క చ్చితంగా అమలు చేస్తామని స్పష్టం చేశారు.

చదువుతో పాటు క్రీడల్లోనూ రాణించి ఉన్న త లక్ష్యాలను చేరుకోవాలని ఆకాంక్షించారు. అంతర్జాతీయ స్థాయిలో సత్తా చాటుతున్న పారా అథ్లెట్లను స్ఫూర్తిగా తీసుకోవాలన్నా రు. ఈ కార్యక్రమంలో దివ్యాంగు ల, వయోవృద్ధుల సంక్షేమశాఖ సహాయ సంచాల కుడు రాజేందర్, దివ్యాంగ సంఘ ప్రతినిధులు తదితరులు పాల్గొన్నారు.