ఎంఎన్‌ఆర్ ఐ- ఎక్సీడ్ విద్యార్థికి గుర్తింపు

హైదరాబాద్, నవంబర్ 29 (విజయక్రాంతి): ఉత్తర అమెరికా తెలుగు సంఘం (తానా) ప్రపంచ సాహిత్య వేదిక ప్రతిష్ఠాత్మకంగా నవంబర్ 30న 13 గంటల పాటు బాలసాహిత్య భేరి పేరుతో ’అంతర్జాతీయ బాల రచయితల సమ్మేళనం‘ నిర్వహిస్తుంది. ఈ కార్యక్రమంలో పాల్గొనటానికి హైదరాబాద్ కూకట్‌పల్లిలోని ఎంఎన్‌ఆర్ ఐ- ఎక్సీడ్ స్కూల్ విద్యార్థి గోపిశెట్టి అభినవ్ చంద్రక్ ఎంపికయ్యాడు.

కథ, వచన కవిత్వం, గేయం, పద్యం విభాగాల్లో ప్రపంచ వ్యాప్తంగా ఉన్న తెలుగు విద్యార్థులు 101 మంది కార్యక్రమంలో పాల్గొంటారు. కథా రచనా విభాగం లో తమ విద్యార్థి తానా సమ్మేళనానికి ఎంపిక కావడం గర్వకారణమని పాఠశాల ప్రిన్సిపాల్ వెంకట సుధీర్ ఒక ప్రకటనలో తెలిపారు. ఈ అవకాశం కల్పించిన తానా అధ్యక్షుడు డాక్టర్ నరేస్ కొడాలికి, తానా ప్రపంచ సాహిత్య వేదిక నిర్వాహకులు డాక్టర్ తోటకూర ప్రసాద్‌కి, సమన్వయకర్త చిగురుమళ్ళ శ్రీనివాస్‌కి సుధీర్ ధన్యవాదాలు తెలియజేశారు.