జుక్కల్ ఎమ్మెల్యే తోట లక్ష్మీ కాంతారావు ఇందిరమ్మ ఇల్లును ప్రారంభించిన జుక్కల్  ఎమ్మెల్యే

నిజాంసాగర్, మార్చి 15( విజయ క్రాం తి): ప్రభుత్వం పేదలకు ఎల్లప్పుడూ అండగా ఉంటుందని జుక్కల్ ఎమ్మెల్యే తోట లక్ష్మీ కాంతరావు అన్నారు. కామారెడ్డి జిల్లా నిజాంసాగర్ మండలంలోని వడ్డేపల్లి  గ్రామంలో ఇందిరమ్మ ఇంటిని జుక్కల్ ఎమ్మెల్యే తోట లక్ష్మీకాంతరావు ఆదివారం  ప్రారంభించారు. లబ్ధిదారుల ప్రత్యేక ఆహ్వా నం మేరకు ఎమ్మెల్యే గృహప్రవేశ కార్య క్రమంలో పాల్గొన్నారు.

అనంతరం ఆయన మాట్లాడుతూ తమ ప్రభుత్వం పేదలకు ఎల్లప్పుడూ అండగా ఉంటుందని ఈ సందర్భంగా ఆయన పేర్కొన్నారు. ముఖ్యమంత్రి రేవంత్ రెడ్డి ఇచ్చిన హామీ మేరకు ప్రతి గ్రామంలో ఇందిరమ్మ ఇంటి నిర్మాణాలు కొనసాగుతున్నాయని అన్నారు. త్వరలోనే పూర్తిగా గృహప్రవేశాలు జరిపిస్తామన్నారు. 

అనంతరం జక్కాపూర్ గ్రామంలో గ్రామ పంచాయతీ భవన నిర్మాణానికి శంకు స్థాపన చేశారు. ఈ కార్యక్రమంలో మార్కెట్ కమిటీ చైర్మన్ చీకోటి మనోజ్ కుమార్, అచ్చంపేట సర్పంచ్  సంకు లక్ష్మయ్య, నాయకులు ప్రజా పండరి, మెంగారం శ్రీనివాస్, తదితరులు పాల్గొన్నారు.