డైరీ సినిమాతో సక్సెస్ సాధించిన నిర్మాత ఫైవ్‌స్టార్ క్రియేషన్స్ కతిరేసన్ మళ్లీ దర్శకుడు ఇన్నాసి పాండియన్‌తో జట్టుకట్టారు. రాఘవ లారెన్స్ హీరోగా సూపర్- నేచురల్ యాక్షన్ థ్రిల్లర్ ‘బుల్లెట్టు బండి’ చిత్రాన్ని ప్రేక్షకుల ముందుకు తీసుకొస్తున్నారు. ఇందులో లారెన్స్‌తోపాటు ఆయన తమ్ముడు ఎల్వీన్ కూడా లీడ్ రోల్‌లో నటిస్తున్నారు.

ఈ సినిమా తమిళం, తెలుగు, మలయాళం, కన్నడ, హిందీ భాషల్లో ఒకేసారి తెరకెక్కుతోంది. టాలీవుడ్ హీరో నాగచైతన్య ఈ సినిమా టీజర్‌ను లాంచ్ చేశారు. 80, 90ల్లో అభిమానుల డ్రీమ్‌గర్ల్‌గా వెలుగొందిన డిస్కో శాంతి శ్రీహరి.. 28 ఏళ్ల తర్వాత ఈ సినిమా ద్వారా ఇండస్ట్రీలోకి మళ్లీ అడుగుపెడుతున్నారు. 1997 తర్వాత ఆమె సినిమాల్లో నటించలేదు.

ఈ సినిమాలో ఆమె ఒక ముఖ్యమైన పాత్ర పోషించారు. ఇంకా ఈ సినిమాలో వైశాలి రాజ్, సునీల్, అరవింద్ ఆకాశ్, కాలీ వెంకట్, రంగరాజ్ పాండే, ఆర్ సుందరరాజన్, చామ్స్, శివ శరా, కేపీవై వినోత్, విజే థనికై, సెండ్రాయన్ ఇతర ముఖ్య పాత్రల్లో నటిస్తున్నారు. ఈ చిత్రానికి సంగీతం: సామ్ సీఎస్; సినిమాటోగ్రఫీ: అరవింద్ సింగ్; ఎడిటింగ్: వడివేల్ విమల్ రాజ్.